ශ්රී ලංකාව හා කුවේට් රාජ්යය අතර ද්විපාර්ශ්වික සබඳතා තවදුරටත් ශක්තිමත් කිරීම, වරාය හා ගුවන් සේවා ඇතුළු ක්ෂේත්රවල සහයෝගिताව පුළුල් කිරීම සහ ආයෝජන අවස්ථා හඳුනාගැනීම පිළිබඳ සාකච්ඡාවක් ශ්රී ලංකාවේ කුවේට් රාජ්ය තානාපති සාලෙහ් මුබාබක් අල් – සරාවි සහ වරාය සහ සිවිල් ගුවන්සේවා අමාත්ය අනුර කරුණාතිලක යන මහත්වරුන් අතර ඊයේ (17) පැවැත්විණි.
වරාය සහ සිවිල් ගුවන්සේවා නියෝජ්ය අමාත්ය ජනිත රුවන් කොඩිதுවක්කු හා අමාත්යාංශ ලේකම් ඩබ්.ඩබ්.එස්. මංගල යන මහත්වරුන්ගේද සහභාගීත්වයෙන් පැවති මෙම සාකච්ඡාවේදී, දෙරට අතර දේශපාලන උපදේශන පිළිබඳ ගිවිසුමක් අත්සන් කිරීමේ වැදගත්කම අවධාරණය කෙරිණි. එමඟින් අභ්යන්තර කටයුතු, අධ්යාපනය, සෞඛ්ය, වරාය සහ අනෙකුත් ක්ෂේත්ර රැසක සහයෝගීතාව සඳහා පුළුල් රාමුවක් සකස් කළ හැකි බව සඳහන් විය.
ශ්රී ලංකාවේ උපායමාර්ගික භූගෝලීය පිහිටීම සැලකිල්ලට ගනිමින් වරාය ක්ෂේත්රයේ දැනුම හා අත්දැකීම් හුවමාරු කර ගැනීම, නියෝජිත කණ්ඩායම් හුවමාරු කිරීම මෙන්ම බලශක්ති හා කාර්මික ක්ෂේත්රවල කුවේට් ආයෝජකයන්ගේ අවධානය යොමු කිරීමේ හැකියාව පිළිබඳවද මෙහිදී පුළුල් ලෙස සාකච්ඡා කෙරිණි.
