මහනුවර ඇසළ පෙරහැර මංගල්යය පැවැත්වෙන කාලසීමාව තුළ පෙරහැර අසිරිය විඳ ගැනීමට මහනුවරට පැමිණෙන බැතිමතුන්ගේ පහසුව වෙනුවෙන් ඩේවිඩ් පීරිස් මෝටර් සමාගම මඟින් **“David Pieris E Mobility – බැති සිත් වන්දනා”** නමින් සුවිශේෂී බැතිබර සත්කාර වැඩසටහනක් ක්රියාත්මක කරනු ලබයි.
මෙම වැඩසටහන යටතේ මහනුවර ඇසළ පෙරහැර නැරඹීමට පැමිණෙන බැතිමතුන් සඳහා Bajaj WEGO ඉලෙක්ට්රික් ත්රිරෝද රථ මගින් නොමිලේ ප්රවාහන පහසුකම් සැලසීමට කටයුතු යොදා ඇත. පෙරහැර ආරම්භ වූ අගෝස්තු 18 වන දින සිට අවසන් දිනය දක්වා ක්රියාත්මක වන මෙම සේවාව මගින් වැඩිහිටි බැතිමතුන්ට, ගර්භණී මව්වරුන්ට සහ ශාරීරික අපහසුතා ඇති බැතිමතුන්ට විශේෂ ප්රමුඛතාව ලබාදෙමින් ප්රවාහන පහසුකම් ලබාදීම සිදුකරයි. සැමට පහසු, සුරක්ෂිත සහ සුවපහසු පෙරහැර අත්දැකීමක් ලබාදීම මෙහි ප්රධාන අරමුණ වේ.
මීට අමතරව, Bajaj Chetak ඉලෙක්ට්රික් ස්කූටර් මගින් පැමිණෙන බැතිමතුන් වෙනුවෙන් නොමිලේ පානීය ජල පහසුකම් සහ අවශ්ය සහාය ලබාදීමටත්, පෙරහැර නැරඹීමේ දී බැතිමතුන්ගේ පහසුව වෙනුවෙන් නැවත භාවිත කළ හැකි පරිසර හිතකාමී ආස්යා අතුරනයක් ලබාදීමටත් ඩේවිඩ් පීරිස් මෝටර් සමාගම කටයුතු යොදා ඇත. පරිසර හිතකාමී ගමනාගමනය මූලික කරගනිමින් අනාගත පරපුර වෙනුවෙන් පිරිසිදු හෙට දවසක් ගොඩ නැගීමට සමාගම සිය සමාජ වගකීම මැනවින් ඉටුකරයි.
වසර 40කට වැඩි කාලයක් පුරා ශ්රී ලාංකීය ජනතාවගේ ගමන් මඟට ශක්තියක් වෙමින් විශ්වාසය, නවීනත්වය සහ පරිසර හිතකාමී ප්රවාහන විසඳුම් සමඟින් ඩේවිඩ් පීරිස් මෝටර් සමාගම නිරන්තරයෙන් ජනතාව සමඟ ඉදිරියට පැමිණෙයි.
