දිවංගත ප්රවීණ ගායන ශිල්පිනී විශාරද ආචාර්ය නන්දා මාලනී මහත්මිය ජීවත්ව සිටියදී ඇයගේ වැඩිමල් දියණිය වන වරුණි රසෝජා සමඟ සිදුකළ පුවත්පත් සාකච්ඡාවකදී සිය මව පිළිබඳව අතීත මතකයන් සිහිපත් කර තිබේ.
මවක සහ කලාකාරිනියක ලෙස නන්දා මාලනී දැක්වූ ගතිපැවතුම් අතර, මොනම ප්රශ්න තිබුණත් ධෛර්යසම්පන්නව ජීවත් වන ආකාරයත්, ජීවිතය සමබරව ගෙන යන්නේ කෙසේද යන්නත් තමන් ඉගෙන ගත්තේ මවගෙන් බව වරුණි පවසයි. දරුවන්ට කිසිදු බලපෑමක් නොකර, තමන් යන මාවතක යාමට ඇය උපරිම නිදහස ලබා දී ඇත. රසිකයන් පැමිණ මව සමඟ කතා කරන විට හෝ ඡායාරූප ලබා ගන්නා විට ඇය කිසිම විටක එය කරදරයක් ලෙස නොසැලකූ අතර, සැමවිටම ඔවුන් සමඟ සුහදව කටයුතු කළාය.
නන්දා මාලනිය නිරන්තරයෙන්ම සුදු ඔසරියෙන් හෝ සුදු පැහැති බ්ලවුසයකින් සැරසී සිටීමට ප්රිය කළ අතර, ඇය මෑත කාලයේ ලුන්ගි ඇඳි අවස්ථාවලදීද උඩට ඇන්දේ සුදු පැහැති බ්ලවුසයකි. “අම්මේ, ඇයි සුදු අඳින්නේ?” කියා තමන් කිසිම දිනක ඇගෙන් අසා නැති බවත්, ඇය සුදු ඔසරියට අතිශයින්ම ලස්සන වූ බවත් දියණිය සිහිපත් කරයි.
මවගේ නමින් වරප්රසාද ලබා ගැනීමට හෝ ඉදිරියට යාමට කිසිදු අවශ්යතාවක් නොමැතිව, මව ලබා දුන් ආදර්ශය මත ස්වාධීනව ජීවත් වීම පිළිබඳව තමන් සහ බාල නැඟණිය ආඩම්බර වන බවද ඇය වැඩිදුරටත් සඳහන් කර ඇත.
