පසුගිය දිනවල වාර්තා වූ වෙඩි තැබීම් තනිකරම සාක්ෂි මරා දැමීම් (සාක්ෂි මැරීම්) වන බව තේරුම් ගොස් ඇතැයි ආරක්ෂක නියෝජ්ය අමාත්ය මේජර් ජනරාල් අරුණ ජයසේකර මහතා පවසයි. ජාතික ජන බලවේගය නියෝජනය කරන විශ්රාමික ත්රිවිධ හමුදා සාමාජිකයින්ගෙන් සමන්විතව කළුතර පැවති “අදිටන” හමුවට ඊයේ (23) එක්වෙමින් නියෝජ්ය අමාත්යවරයා මේ බව සඳහන් කළේය.
රතු නිවේදන නිකුත් කර තිබූ මහා පරිමාණ අපරාධකරුවන් 58 දෙනෙකු විදේශයන්හි සිට පසුගිය කාලයේ මෙරටට ගෙන්වා ගත් බව පෙන්වා දුන් ඒ මහතා, එම අපරාධකරුවන් විදේශයන්හි මහා මන්දිරවල යානවාහන හා හෙලිකොප්ටර් ආදිය තබාගෙන සැපවත් ජීවිත ගත කර ඇති බවත්, ඒ කාලයේ දේශපාලඥයන් එහේ ගොස් ඔවුන් සමඟ සැපසම්පත් භුක්ති විඳිමින් මෙම කටයුතු කරගෙන ගොස් ඇති බවත් කියා සිටියේය. තමන් සිදු කළ වැඩවල සාර්ථකත්වය නිසා විපක්ෂයේ පිරිස් මේ අයුරින් හැසිරෙන බවද හෙතෙම පැවසීය.
මෙහිදී වැඩිදුරටත් අදහස් දැක්වූ ආරක්ෂක නියෝජ්ය අමාත්යවරයා සඳහන් කළේ රටේ වල් වැදුණු නීතියක් පැවති බවත්, පලවා හරිනු ලැබුවේ එක් දේශපාලන කල්ලියක් නොව කල්ලි ගොඩක් බවත්, ඔවුන් දරුණුතම අතිබිහිසුණු සංවිධානාත්මක අපරාධකරුවන් පිරිසක් බවත්ය. විනාශ වී වැටුණු රටක් භාරගෙන මූල්ය විනයක් සහිතව ගමන් කරන බව පෙන්වා දුන් ඒ මහතා, පසුගිය මාස 15 ඇතුළත ආර්ථිකයෙන් විශාල පිම්මක් ඉදිරියට පැමිණ ඉහළ ආර්ථික වර්ධනයක් ලබන රටවල් අතරට පැමිණීමට හැකි වූ බවද වැඩිදුරටත් අවධාරණය කළේය.
