ෆේස්බුක් (Facebook) සහ ඉන්ස්ටග්රෑම් (Instagram) මව් සමාගම වන Meta, සිය සමාජ මාධ්ය ජාල මඟින් ළමයින්ගේ සහ යෞවනයින්ගේ මානසික සෞඛ්යයට හානි සිදුවන බවට එල්ල වූ චෝදනා සම්බන්ධයෙන් ඇමෙරිකානු ප්රාන්ත කිහිපයක් සමඟ ඩොලර් බිලියන ගණනක දැවැන්ත වන්දි එකඟතාවකට එළඹ තිබේ.
මෙම නීතිමය එකඟතාවට අනුව, නව යොවුන් වියේ පරිශීලකයින් ආරක්ෂා කිරීම සඳහා වූ නව රෙගුලාසි මාලාවක් ක්රියාත්මක කිරීමට Meta සමාගම එකඟ වී ඇත. ඒ අනුව යොවුන් පරිශීලකයින් සඳහා යෙදුම් (Apps) භාවිත කළ හැකි දෛනික කාලසීමාවන් පැනවීම, රාත්රී කාලයේදී ගිණුම් වෙත ප්රවේශ වීම සීමා කිරීම සහ බාලවයස්කාර ගිණුම්වල ආරක්ෂිත පියවර දැඩි කිරීම සිදු කෙරේ. සමාජ මාධ්ය ඇබ්බැහි වීම් හමුවේ ළමුන්ගේ ආරක්ෂාව වෙනුවෙන් මෙතෙක් සිදුවූ විශාලතම එකඟතාවක් ලෙස මෙය සැලකේ.
