2023 මාර්තු 19 වැනිදා සිදු වූ නායයෑමකින් නිවාස අහිමිව, වසර තුනහමාරකට ආසන්න කාලයක් වසා දැමූ තේ කර්මාන්තශාලාවක අතිශය දුෂ්කර තත්ත්වයන් යටතේ ජීවත් වූ කබරගල පවුල් 50කට නව නිවාස හිමිකම ලබාදීමට රජය පියවර ගෙන තිබේ.
ඒ අනුව “නවෝදයාපුරම්” නව නිවාස ව්යාපෘතිය යටතේ ඉදිකළ අංගසම්පූර්ණ නිවාස 50ක් අද (28) ජනාධිපති අනුර කුමාර දිසානායක මහතාගේ ප්රධානත්වයෙන් ජනතා අයිතියට පත් කිරීමට නියමිතය.
මෙම ව්යාපෘතිය යටතේ සෑම පවුලකටම පර්චස් 10ක ඉඩම් කැබැල්ලක් සහ වර්ග අඩි 550කින් යුත්, නිදන කාමර දෙකක්, සාලයක්, මුළුතැන්ගෙයක් සහ නාන කාමරයකින් සමන්විත අංගසම්පූර්ණ නිවසක් ලබාදී ඇත. ඊට අමතරව, නව ජීවිතයක් ආරම්භ කිරීම සඳහා අවශ්ය ගෘහ භාණ්ඩ, මුළුතැන්ගෙයි උපකරණ ඇතුළු අත්යවශ්ය භාණ්ඩ රුපියල් 175,000ක පමණ වටිනාකමකින් යුතුව සෑම පවුලකටම ලබාදීමටද කටයුතු කර තිබීම විශේෂත්වයකි.
“පොහොසත් රටක් – ලස්සන ජීවිතයක්” යන රජයේ ප්රතිපත්තිය යටතේ ක්රියාත්මක මෙම ව්යාපෘතිය මගින් වසර ගණනාවක් අනාරක්ෂිත පරිසරයක ජීවත් වීමට සිදුවූ මලයගම් ජනතාවගේ ජීවන තත්ත්වය නඟාසිටුවීම සඳහා සුවිශේෂී මැදිහත්වීමක් සිදු කර තිබේ.
