පසුගිය ඉන්දු-ශ්රී ලංකා දෙවන ටෙස්ට් තරගයේ දෙවන දිනයේදී ඉන්දීය පිතිකරු ධෲව් ජුරෙල් ලකුණු 99 සිට ශතකය ලබා ගන්නා මොහොත ඉතාමත් තියුණු මුහුණුවරක් ගත් අතර, ශතකය ලබා ගැනීමෙන් පසු සුවිශේෂී සැමරුමක් සමඟින් වම් අතේ හින්දි අකුරින් තිබූ ටැටූ (TATTOO) එකක් අභිමානවත් අයුරින් කැමරාවට පෙන්වනු ලැබීය. එය මේ වන විට ලොව පුරා ක්රිකට්වලට ආදරය කරන සැමගේ අවධානය දිනාගත් අවස්ථාවක් බවට පත්ව තිබේ.
“රණවිරුවාට ජයවේවා/ගොවියාට ජයවේවා” යනුවෙන් එම ටැටූ එක අතේ කෙටුවේ තම පියා සහ සීයා වෙනුවෙන් බව එදින පැවති මාධ්ය හමුවේදී ඔහු පැවසීය. මෙය 1965 වසරේදී ඉන්දියාවේ හිටපු අග්රාමාත්ය ලාල් බහදුර් ශාස්ත්රි විසින් තම රට වෙනුවෙන් කැපවන හමුදා සෙබළුන් සහ ගොවියන් ඇගයීම සඳහා හඳුන්වා දුන් ප්රසිද්ධ සටන් පාඨයකි. අදටත් ඉන්දියාවේ ප්රකට දේශප්රේමී සටන් පාඨයක් වන මෙය, තමන්ගේ සීයා ගොවියෙක් වීම සහ පියා හමුදා සෙබළෙක් වීම නිසා ඔවුන් දෙදෙනාට කරන ගෞරවයක් ලෙස සිරුරේ කොටාගත් බව ජුරෙල් පවසයි.
තමන් ලබාගත් මෙම සටන්කාමී ශතකය (නොදැවී ලකුණු 115ක්) සිය දෙමව්පියන් වෙනුවෙන් කැප කරන බව ප්රකාශ කළ ජුරෙල්, තමන්ගේ ජීවිතයේ මුල කවදාවත් අමතක නැති බව පෙන්වා දුන්නේය. රටේ රණවිරුවන්ට සහ දහඩිය හෙළන ගොවියන්ට ඉන්දීය ක්රිකට් තරුව ලබා දෙන මෙම ගෞරවය අසල්වැසි රටක් ලෙස අපටද කදිම ආදර්ශයකි.
