220kV සහ 132kV අධි වෝල්ටීයතා සම්ප්රේෂණ මාර්ග යට, කුළුණු සහ ග්රිඩ් උපපොළවල් ආසන්නයේ හෝ ඒ අවට ප්රදේශවල සරුංගල් යැවීමෙන් සම්පූර්ණයෙන්ම වළකින ලෙස ජාතික පද්ධති ක්රියාකරු (NSO) පුද්ගලික සමාගම ජනතාවගෙන් විශේෂ ඉල්ලීමක් කර සිටී.
සරුංගල් සහ ඒවායේ නූල් විදුලි සම්ප්රේෂණ මාර්ගවල පැටලීම හේතුවෙන් අවස්ථා ගණනාවකදීම සම්ප්රේෂණ මාර්ග ක්රියා විරහිත වීමේ සිදුවීම් වාර්තා වී ඇති බව නිවේදනයක් නිකුත් කරමින් එම සමාගම පවසයි. මෙවැනි සිදුවීම් විදුලි දෝෂ ඇති කිරීමටත්, සම්ප්රේෂණ මාර්ග ස්වයංක්රීයව විසන්ධි වීමටත් හේතු වන අතර, එය ජාතික විදුලි පද්ධතියේ ස්ථායිතාවට සහ ආරක්ෂාවට බරපතළ බලපෑමකි.
විශේෂයෙන්ම ඊයේ (2) දින මෙවැනි සිදුවීම් හේතුවෙන් ජාතික විදුලි පද්ධතියේ ස්ථායිතාවට බලපෑම් ඇති වූ බවත්, පද්ධතිය පවත්වා ගැනීම සඳහා හදිසි ක්රියාමාර්ගයක් ලෙස තෝරාගත් බෙදාහැරීමේ විදුලි පෝෂක කිහිපයක් විසන්ධි කිරීමට සිදුවීම නිසා ඇතැම් පාරිභෝගිකයන්ගේ විදුලි සැපයුම තාවකාලිකව අත්හිටුවීමට සිදු වූ බවද එම නිවේදනයේ වැඩිදුරටත් දැක්වේ.
