ලබන සැප්තැම්බර් 15 වනදා සිට ක්රියාත්මක වන පරිදි චීනය සිය දේශසීමා පාලන රෙගුලාසි තද කිරීමට පියවර ගැනීමත් සමඟ, චීනයේ සංචාරය කරන තායිවාන කණ්ඩායම්වල පෞද්ගලික ආරක්ෂාව තහවුරු කිරීම සඳහා විශේෂ වැඩපිළිවෙළක් ක්රියාත්මක කරන ලෙස තායිවාන සංචාරක පරිපාලනය එරට සංචාරක ආයතන වෙත දන්වා තිබේ.
මෙම නව චීන රෙගුලාසි හමුවේ තායිවාන වැසියන්ට එල්ල විය හැකි ආරක්ෂිත අවදානම ඉහළ ගොස් ඇති බව තායිවාන ප්රධාන භූමි කටයුතු පිළිබඳ කවුන්සිලය පෙන්වා දෙන අතර, චීනය, හොංකොං සහ මැකාවු වෙත යන සියලුම තායිවාන ජාතිකයන්ට රජයේ විශේෂ අන්තර්ජාල පද්ධතිය ඔස්සේ ලියාපදිංචි වන ලෙසද දැනුම් දී ඇත. හදිසි අනතුරකදී හෝ ගැටලුවකදී වහාම රාජ්ය මැදිහත්වීම ලබාදීමට මෙම ලියාපදිංචිය උපකාරී වන අතර, සංචාරක ඒජන්සි සඳහා නිකුත් කළ නව නියෝගවලට අනුව අධ්යයන, හුවමාරු හෝ පෞද්ගලික මට්ටමින් සංවිධානය වන සෑම චීන සංචාරක කණ්ඩායමක් සඳහාම විශේෂ පරීක්ෂණ ලේඛනයක් සම්පූර්ණ කිරීමද අනිවාර්ය කර තිබේ.
