ලබන සැප්තැම්බර් 24 වනදා ඇමෙරිකා එක්සත් ජනපදයේ වොෂින්ටන් නුවර පැවැත්වීමට නියමිත රාජ්ය තාන්ත්රික සමුළුව සඳහා චීන ජනාධිපති ෂී ජින්පිං (Xi Jinping) සමඟ එරට ප්රමුඛ පෙළේ ප්රධාන විධායක නිලධාරීන් (CEOs) සහ ව්යාපාරිකයන්ගෙන් සමන්විත දැවැන්ත නියෝජිත පිරිසක් එක්වීමට නියමිත බව ජාත්යන්තර මාධ්ය වාර්තා කරයි.
2020 වසරෙන් පසුව චීනය තුළ තාක්ෂණික, අධ්යාපන සහ රියල් එස්ටේට් ක්ෂේත්රවලට පැනවූ දැඩි නියාමනයන් හමුවේ ජනාධිපති ෂී ජින්පිං මෙලෙස ව්යාපාරික නියෝජිත පිරිසක් කැටුව විදේශ සංචාරයක නිරත වන්නේ කලාතුරකිනි. ඇමෙරිකානු මධ්යවාර මැතිවරණය ආසන්නයේ දෙරට අතර වෙළඳ සහ ආයෝජන සබඳතා යළි ශක්තිමත් කිරීමට ඇති කැමැත්ත පෙන්වීම මෙම පියවරේ ප්රධාන අරමුණයි.
2015 වසරෙන් පසු ජනාධිපති ෂී මෙලෙස ඇමෙරිකාවට ප්රමුඛ ව්යාපාරිකයන් කැටුව යන පළමු අවස්ථාව මෙය වේ. කෙසේ වෙතත්, චීන ආයෝජන කෙරෙහි ඇමෙරිකාව තුළ පවතින දැඩි සැකය සහ තීරුබදු ගැටලු හමුවේ මෙම සමුළුවෙන් ක්ෂණික විසඳුම් ලැබීමේ ඉඩකඩ සීමිත බව දේශපාලන හා ආර්ථික විචාරකයෝ පෙන්වා දෙති.
තොරතුරු උපුටා ගැනීම: Reuters ඇසුරින්
