ආක්ටික් සාගරයේ පිහිටි ස්වැල්බාඩ් (Svalbard) දූපත් සමූහයේදී රුසියානු මගී සහ සැපයුම් නෞකාවක් අත්අඩංගුවට ගැනීම හේතුවෙන් එහි අතරමං වූ රුසියානු ජාතිකයන්ට අවශ්ය සියලු මානුෂීය ආධාර සහ පහසුකම් ලබාදීමට කටයුතු කරන බව නෝර්වේ විදේශ කටයුතු අමාත්යාංශය ප්රකාශ කරයි.
යුක්රේන බලශක්ති සමාගමක් වන ‘නෆ්ටෝගෑස්’ (Naftogaz) සමාගම විසින් නීතිමය ක්රියාමාර්ගයක් ඔස්සේ ලබාගත් නෝර්වේ අධිකරණ නියෝගයකට අනුව, ‘ප්රොෆෙසර් මොල්චනොව්’ (Professor Molchanov) නැමැති රුසියානු සංචාරක සහ පර්යේෂණ නෞකාව මෙලෙස අත්අඩංගුවට ගෙන ඇත. 2014 වසරේදී රුසියාව විසින් ක්රිමියාව ඈඳාගැනීමේදී සිදු වූ ඩොලර් බිලියන 4.22ක අලාභය අයකර ගැනීමේ පියවරක් ලෙස මෙම නැව අත්අඩංගුවට ගෙන තිබේ. මෙම සිදුවීමත් සමඟ මොස්කව් පාලනය නෝර්වේ රාජ්යයට “මුහුදු කොල්ලකෑම” (Piracy) පිළිබඳ චෝදනා කර ඇති අතර, නෝර්වේ රජය සඳහන් කරන්නේ අත්අඩංගුවට පත් නෞකාවේ සිටින රුසියානු වැසියන්ට සහ ස්වැල්බාඩ් හි බැරන්ට්ස්බර්ග් (Barentsburg) රුසියානු ජනපදයේ වැසියන්ට අවශ්ය ආහාර සහ අත්යවශ්ය ද්රව්ය ලබාදීමට පියවර ගන්නා බවයි.
තොරතුරු උපුටා ගැනීම: Reuters ඇසුරින්
