මීට වසර තුනකට පමණ පෙර, එනම් 2023 නොවැම්බර් මාසයේදී ගාසා නගරයේ සෙයිතුන් (Zeitoun) ප්රදේශයේදී ඊශ්රායල ගුවන් ප්රහාරයකට ලක්ව කඩා වැදුණු නේවාසික ගොඩනැගිල්ලක සුන්බුන් අතර තිබී මල්කා (Malka) පවුලේ සාමාජිකයන් 55 දෙනෙකුගේ මළ සිරුරු සහ අවශේෂ ගාසා සිවිල් ආරක්ෂක අංශ විසින් ගොඩගනු ලැබ තිබේ.
විවිධ ප්රදේශවලින් අවතැන් වී එම නිවෙසේ රැඳී සිටියදී මෙම ප්රහාරයට මුහුණ දුන් එකම පවුලේ සාමාජිකයන් 60 කට අධික පිරිසක් අතුරින් මෙම සිරුරු කොටස් සොයාගෙන ඇත්තේ දැඩි පරිශ්රමයකින් අනතුරුවය. ගාසා තීරයේ පවතින දැඩි බරපතල යන්ත්රෝපකරණ සහ ද්රව්ය හිඟකම හේතුවෙන් මෙම සිරුරු ගොඩගැනීමේ මෙහෙයුම් අතිශයින් දුෂ්කර වී ඇති බවත්, මීළඟ සතියේ මුල් භාගයේදී මෙම පිරිස සඳහා සමූහ අවමංගල්ය උත්සවයක් පැවැත්වීමට නියමිත බවත් සිවිල් ආරක්ෂක අංශ සඳහන් කරයි.
