කළුතර මාර්ගයේ මොරොන්තුඩුව, කන්දේකඩේ ප්රදේශයේදී ප්රධාන මාර්ගයේ ධාවනය වෙමින් තිබූ වෑන් රථයක් හදිසියේ ගිනිගැනීමට ලක්වීමෙන් සම්පූර්ණයෙන්ම විනාශ වී තිබේ. හටගත් ගින්න නිවා දැමීමට උත්සාහ කිරීමේදී වෑන් රථයේ රියදුරු තුවාල ලබා ඇති අතර, ඔහු වැඩිදුර ප්රතිකාර සඳහා කළුතර ශික්ෂණ රෝහලට ඇතුළත් කර ඇති බව මොරොන්තුඩුව පොලීසිය පවසයි.
ගින්න හටගැනීමට නිශ්චිත හේතුව මෙතෙක් අනාවරණය වී නොමැති අතර, වෑන් රථයේ හදිසි කාර්මික දෝෂයක් හේතුවෙන් ගින්න හටගන්නට ඇති බවට සැක කෙරේ. අනතුර සිදුවූ අවස්ථාවේදී ප්රදේශවාසීන් එක්ව ගින්න නිවා දැමීමට දැඩි උත්සාහයක නිරත වී තිබේ.
සිද්ධිය සම්බන්ධයෙන් මොරොන්තුඩුව පොලීසිය මගින් වැඩිදුර විමර්ශන කටයුතු සක්රියව පවත්වාගෙන යනු ලබයි.
