පාර්ලිමේන්තු මන්ත්රී නාමල් රාජපක්ෂ මහතා අත්අඩංගුවට ගැනීම හුදෙක් නීතිමය ක්රියාමාර්ගයකට එහා ගිය බරපතළ දේශපාලන ඇඟවුම් සහිත සිදුවීමක් බවත්, ඒ හරහා ආණ්ඩුව නොදැනුවත්වම නාමල් රාජපක්ෂව විපක්ෂයේ ප්රධාන ප්රතිවාදියා ලෙස ඔසවා තබා ඇති බවත් ආචාර්ය නිර්මාල් රංජිත් දේවසිරි මහතා ප්රකාශ කරයි. සිය යූ ටියුබ් නාලිකාව ඔස්සේ දේශපාලන විශ්ලේෂණයක් ඉදිරිපත් කරමින් ඔහු මේ බව පෙන්වා දී ඇත.
මෙම අත්අඩංගුවට ගැනීම හේතුවෙන් සජිත් ප්රේමදාස, පාඨලී චම්පික රණවක, රනිල් වික්රමසිංහ සහ දිලිත් ජයවීර වැනි නායකයන්ගේ දේශපාලන ඉඩකඩ යටපත් වී ඇති බව පෙන්වන ඒ මහතා, විපක්ෂය තුළ දැඩි ‘ශීතල යුද්ධයක්’ නිර්මාණය වී ඇති බව සඳහන් කරයි. කෙසේ වෙතත්, මෙම සිදුවීම මාලිමා ආණ්ඩුවේ ක්ෂණික කඩාවැටීමකට හේතු වනු ඇතැයි යන මතය ප්රතික්ෂේප කරන දේවසිරි මහතා, ආණ්ඩුවක පැවැත්ම තීරණය වන්නේ දේශපාලන අත්අඩංගුවට ගැනීම් මත නොව ජීවන වියදම සහ ආර්ථික ස්ථාවරත්වය වැනි ජනතාවගේ බිම් මට්ටමේ මූලික අපේක්ෂාවන් මත බව වැඩිදුරටත් අවධාරණය කළේය.
