අමුද්රව්ය ලෙස මැණික් අපනයනය කිරීම වෙනුවට ඉහළ අගය එකතු කළ නිෂ්පාදන හරහා ගෝලීය වෙළඳපොළෙන් රටට උපරිම වටිනාකමක් ලබා ගැනීම රජයේ අරමුණ බව රජයේ නියෝජිතයා තායිලන්තයේදී අවධාරණය කළේය.
ශ්රී ලංකාවේ මැණික් හා ස්වර්ණාභරණ කර්මාන්තය නව ගෝලීය ආර්ථික පරිච්ඡේදයකට යොමු කිරීමේ අරමුණින් සංවිධානය කෙරෙන “GEM SRI LANKA 2027” ප්රදර්ශනයේ ප්රථම නිල ජාත්යන්තර ප්රවර්ධන වැඩසටහන තායිලන්තයේ බැංකොක් නුවරදී පවත්වා තිබේ. මෙහිදී අදහස් දක්වමින් රජයේ නියෝජිතයා පෙන්වා දුන්නේ, නොසැකසූ මැණික් අමුද්රව්ය ලෙස විදේශයන්ට යැවීම හැර ඉහළ අගය එකතු කළ නිෂ්පාදන හරහා ගෝලීය වෙළඳපොළෙන් උපරිම වටිනාකමක් රට තුළ රඳවා ගැනීම රජයේ ප්රධාන ආර්ථික දැක්ම බවයි. දේශීය පෞද්ගලික අංශයේ ව්යවසායකයන් සතු ශක්තිය ජාත්යන්තර වෙළඳපොළ වෙත ගෙන යාමට අවශ්ය රාජ්ය අනුග්රහය සහ පහසුකම් ලබා දෙන බවද මෙහිදී සඳහන් කර ඇත.
“The Source. The Production. The Selection.” යන තේමාව යටතේ බැංකොක්හිදී මෙම ප්රවර්ධන වැඩසටහන පැවැත්වුණු අතර, ඊට අදාළ “GEM SRI LANKA 2027” ප්රදර්ශනය 2027 ජනවාරි 07 සිට 09 දක්වා කොළඹ Shangri-La හෝටලයේදී පැවැත්වීමට නියමිතය.
