කොංගෝවේ කැරැලිකරුවන්ගේ පාලනය යටතේ පවතින බුකාවු (Bukavu) නගරයේ පාසලක හටගත් දරුණු ගින්නකින් කුඩා දරුවන් ඇතුළු පුද්ගලයින් 17 දෙනෙක් ජීවිතක්ෂයට පත්වී තිබේ.
රොයිටර් (Reuters) පුවත් සේවය වාර්තා කර ඇති පරිදි, ප්රදේශවාසීන් සහ වෛද්ය මූලාශ්ර තහවුරු කර ඇත්තේ මියගිය පිරිස අතර පාසල් සිසුන් ද සිටින බවයි. බුකාවු නගරය පසුගිය වසරේ කැරැලිකාර ප්රහාරයකින් පසු රුවන්ඩා සහය ලබන කැරැලිකරුවන්ගේ පාලනය යටතේ පවතී. ගින්නට හේතුව මෙතෙක් අනාවරණය වී නොමැති අතර, කැරැලිකාර සන්ධානයේ නියෝජිතයන් පවසන්නේ තත්ත්වය පාලනය කිරීමට පියවර ගනිමින් සිටින බවයි. කෙසේ වෙතත්, රෝහල් සහ ප්රදේශයේ සෙවුම් මෙහෙයුම්වල නිරත වූවන් පවසන්නේ මරණ සංඛ්යාව 17 ඉක්මවා ඇති බවත්, තවත් 50 කට අධික සිසු පිරිසක් තුවාල ලබා රෝහල්ගත කර ඇති බවත්ය.
