ශ්‍රී ලංකාවේ Isuzu වාහන සඳහා බලයලත් බෙදාහරින්නා වන Sathosa Motors PLC (SML) විසින් ISO 9001:2015 තත්ත්ව කළමනාකරණ පද්ධති සහතිකය හිමිකරගෙන තිබේ.
Bureau Veritas Certification Holding SAS – UK Branch විසින් සිදුකළ විගණනයකින් අනතුරුව මෙම සහතිකය ලබාදී ඇති අතර, SML හි කළමනාකරණ පද්ධතිය ජාත්‍යන්තරව පිළිගත් ISO 9001:2015 තත්ත්ව කළමනාකරණ පද්ධති ප්‍රමිතියේ අවශ්‍යතාවලට අනුකූල බව එමඟින් තහවුරු කර ඇත.
Isuzu නව වාහන ආනයනය සහ අලෙවිය, Isuzu Genuine Spare Parts අලෙවිය මෙන්ම වාහන අලුත්වැඩියා හා නඩත්තු සේවා ඇතුළු පසු අලෙවි සේවා මෙම සහතිකයේ විෂය පථයට ඇතුළත් වේ.
Sathosa Motors PLC පවසන්නේ මෙම ජයග්‍රහණය පාරිභෝගිකයන්ට වාහනයක් මිලදී ගැනීමේ සිට මුල්‍යමය නොවන සේවා ඇතුළු සමස්ත පාරිභෝගික අත්දැකීම තුළම ක්‍රමානුකූල සහ ස්ථාවර ක්‍රියාවලීන් පවත්වාගෙන යාම සඳහා සමාගමේ කැපවීම තවදුරටත් තහවුරු කරන බවයි.
මෙම ISO 9001:2015 සහතිකය කොළඹ ප්‍රධාන කාර්යාලයට පමණක් සීමා නොවී බහු ස්ථාන ආවරණය වන සහතිකයක් වීමද විශේෂත්වයකි.
ඒ අනුව Peliyagoda, Vauxhall Street සහ Kurunegala වැඩමුළු මෙන්ම Rathnapura, Badulla, Dambulla, Kandy, Panchikawatta, Matara, Kurunegala සහ Negombo යන ශාඛාවල Genuine Spare Parts මෙහෙයුම්ද මෙම සහතිකයේ විෂය පථයට ඇතුළත් වේ.
