ජපානයේ අයිචි-නගෝයා හි පැවැත්වෙන 20 වන ආසියානු ක්රීඩා උළෙලේ ශ්රී ලංකා ජාතික කාන්තා බාස්කට්බෝල් කණ්ඩායමේ නායිකාව ලෙස බම්බලපිටිය ශුද්ධ වූ පවුලේ කන්යාරාමයේ ආදි ශිෂ්යාවක වන ෂොනාලි ධර්මසේන තේරී පත්ව තිබේ.
පාසල් බාස්කට්බෝල් පිටියෙන් ක්රීඩාව ආරම්භ කළ ෂොනාලි, 2017 වසරේදී වයස අවුරුදු 15න් පහළ විද්යාලයීය උපනායිකාව ලෙස කටයුතු කරමින් හොඳම ආරක්ෂක ක්රීඩිකාව (Best Defensive Player) ලෙස සම්මාන ලැබුවාය. අනතුරුව 2019 වසරේදී 17න් පහළ විද්යාලයීය කණ්ඩායමේ නායිකාව ලෙස ශූරතාවය දිනාදීමටත්, 2022 වසරේදී ශ්රී ලංකා පාසල් බාස්කට්බෝල් සංගමයේ ‘A’ කාණ්ඩයේ සමස්ත ලංකා තරගාවලියේදී 20න් පහළ උපනායිකාව ලෙස කණ්ඩායම ශූරතාව කරා ගෙන යාමටත් ඇය සමත් වූවාය. තවද, සමස්ත ලංකා පාසල් ක්රීඩා උළෙලේදී බස්නාහිර පළාත් කණ්ඩායමේ නායිකාව ලෙසත්, 2022 වසරේදී වයස අවුරුදු 23න් පහළ කනිෂ්ඨ ප්රිමියර් ලීග් තරගාවලියේදී ශ්රී ලංකා පාසල් U23 කණ්ඩායමේ නායිකාව ලෙසත් කටයුතු කළ ඇය, 2021/2022 වසරවලදී විද්යාලයීය ක්රීඩා නායිකාව ලෙසද කටයුතු කළාය.
ජාත්යන්තර තලයේදී 2021 වසරේදී හංගේරියාවේ පැවැත්වීමට නියමිතව තිබූ FIBA U18 3×3 ලෝක ශූරතාවලිය සඳහා ශ්රී ලංකාව නියෝජනය කිරීමට තේරී පත්වෙමින් ජාත්යන්තර ගමන ආරම්භ කළ ෂොනාලි ධර්මසේන, මෙවර ආසියානු ක්රීඩා උළෙලේදී ශ්රී ලංකා කාන්තා බාස්කට්බෝල් කණ්ඩායම නියෝජනය කරමින් සිය ප්රබල නායකත්වය සහ ක්රීඩා කෞශල්යය ප්රදර්ශනය කිරීමට සූදානමින් සිටියි.
