සෞදි අරාබියේ පිහිටි ඉස්ලාම් භක්තිකයන්ගේ ශුද්ධ වූ මක්කම නගරය ඉලක්ක කරගනිමින් යේමනයේ හූති කැරලිකරුවන් විසින් ඩ්රෝන ප්රහාරයක් එල්ල කරන ලද බවට සෞදි බලධාරීන් එල්ල කළ චෝදනා හූති නායක අබ්දුල් මලික් අල්-හූති විසින් තරයේ ප්රතික්ෂේප කර තිබේ.
Al Jazeera English සජීවී පුවත් සේවයට අනුව, විශේෂ ප්රකාශයක් කරමින් හූති නායකයා සඳහන් කර ඇත්තේ සෞදි අරාබිය විසින් පරස්පර විරෝධී සහ අසත්ය තොරතුරු ප්රචාරය කරන බවයි. මක්කම වැනි ශුද්ධ වූ භූමීන් ඉලක්ක කර ප්රහාර එල්ල කිරීමට තමන් කිසිවිටෙකත් කටයුතු නොකරන බවත්, සෞදි අරාබිය සමඟ පවතින ගැටුම්කාරී තත්ත්වය හමුවේ එල්ල වන මෙවැනි චෝදනා හරහා ජාත්යන්තර සහ කලාපීය මතවාදයන් වෙනස් කිරීමට උත්සාහ දරන බවත් හූති පාලනය වැඩිදුරටත් චෝදනා කර සිටියි.
