සෞදි අරාබියේදී මරණ දඬුවම නියම වී ඇති ශ්රී ලංකා ජාතික සිවරාස අනුජන්ගේ සිද්ධිය සම්බන්ධයෙන් විදේශ අමාත්ය විජිත හේරත් මහතා හෙට (22) පාර්ලිමේන්තුවේදී විශේෂ ප්රකාශයක් කිරීමට නියමිත බව ඩේලි මිරර් පුවත්පත වෙත තහවුරු කර තිබේ. සෞදි අරාබියේ අධිකරණමය ක්රියාමාර්ග යටතේ පවතින අනුජන්ගේ නඩුව පිළිබඳව විදේශ කටයුතු, විදේශ රැකියා සහ සංචාරක අමාත්යාංශය මේ වන විටත් දැඩි අවධානයෙන් පසු වන බව ප්රකාශ කර ඇත.
මේ අතර, ජනාධිපති අනුර කුමාර දිසානායක සහ අමාත්ය විජිත හේරත් යන මහත්වරුන් අද (21) උදෑසන සිවරාස අනුජන්ගේ මව්පියන් මුණගැසී ඇති අතර, නීතිමය සහ රාජ්යතාන්ත්රික මාර්ග ඔස්සේ අනුජන් සඳහා සමාවක් ලබා ගැනීමට රජය විසින් ගත හැකි සියලු උපරිම උත්සාහයන් ගන්නා බවට ඔවුන්ට සහතික වී තිබේ.
