ඉරානය, අමෙරිකාව සමඟ එකඟතාවකට පැමිණ අවශ්ය කොන්දේසි සපුරන්නේ නම් හෝමූස් සමුද්ර සන්ධිය දින හතක් ඇතුළත සාමාන්ය නාවික ගමනාගමනය සඳහා යළි විවෘත කිරීමට යෝජනා කර තිබේ. එක්සත් ජාතීන්ගේ මහා මණ්ඩල සැසිවාරයට සමගාමීව නිව්යෝර්ක්හිදී මාධ්ය වෙත අදහස් දක්වමින් ඉරාන විදේශ අමාත්ය අබ්බාස් අරාචි මේ බව ප්රකාශ කර ඇති අතර, අදාළ යෝජනාව කටාර් රාජ්යය හරහා අමෙරිකාව වෙත ලබා දී ඇති බව සඳහන් කර තිබේ.
අරාචි සඳහන් කර ඇත්තේ අමෙරිකාව යෝජනාව පිළිගත් පසු දින හතක කාලසීමාව ආරම්භ වන බවයි. එම කාලය තුළ අමෙරිකාව විසින් අවශ්ය පියවර ගැනීමෙන් පසු හයවැනි දිනයේදී සමුද්ර සන්ධිය විවෘත කිරීමටත්, හත්වැනි දිනයේදී අවසන් එකඟතාවක් සම්බන්ධයෙන් සාකච්ඡා ආරම්භ කිරීමටත් යෝජනා කර ඇති බව ඔහු පවසා තිබේ.
අමෙරිකාව විසින් ගත යුතු බව ඉරානය පවසන පියවර ජුනි මාසයේදී දෙරට අතර අත්සන් කළ අවබෝධතා ගිවිසුමට ඇතුළත් කර තිබූ කරුණු බවද අරාචි සඳහන් කර තිබේ. හෝමූස් සමුද්ර සන්ධිය හරහා සාමාන්ය නාවික ගමනාගමනය යළි ස්ථාපිත කිරීම සම්බන්ධයෙන් ඉරානයේ නව යෝජනාව ඉදිරිපත් වී ඇත්තේ දෙරට අතර රාජ්යතාන්ත්රික සාකච්ඡා පවතින පසුබිමකදීය.
