ලෝක මානසික සෞඛ්ය දිනයට සමගාමීව Let’sTALK & Walk 2026 ප්රජා පාගමන ඔක්තෝබර් 10 වැනිදා කොළඹදී පැවැත්වීමට නියමිතය. පෙරවරු 7.00ට කොළඹ 7, විහාරමහාදේවි උද්යානයේ Band Stand Ground වෙතින් ආරම්භ වන පාගමන කිලෝමීටර් 5කට අඩු දුරකින් යුත් මාර්ගයක් ඔස්සේ පැවැත්වෙන අතර, සහභාගිවන්නන් නැවත උද්යානය වෙත පැමිණීමට නියමිතය.
මානසික සෞඛ්යය පිළිබඳ විවෘතව අදහස් හුවමාරු කරගැනීම, එකිනෙකා සමඟ සම්බන්ධ වීම සහ අවශ්ය අවස්ථාවල සහාය ලබාගැනීම ප්රවර්ධනය කිරීම මෙම වැඩසටහනේ අරමුණයි. පාගමන මගින් රැස්කරන අරමුදල් පාසල් සිසුන් සමඟ ක්රියාත්මක වන Let’sTALK වැඩසටහන සඳහා යොදාගැනීමට නියමිත අතර, ශ්රී ලංකාවේ පාසල් දරුවන් 1,000ක් වෙත එම වැඩසටහන ගෙන යාම එහි එක් අරමුණකි.
Let’sTALK වැඩසටහනේ මූලික සංකල්පය වන්නේ ගැටලුවක් ඇති විට ඒ පිළිබඳ පැවසීම, එම පුද්ගලයා සහ ඔහුගේ හෝ ඇයගේ ගැටලුව පිළිගැනීම, විනිශ්චයකින් තොරව අවබෝධ කරගැනීම සඳහා සවන් දීම සහ සම්බන්ධතාව පවත්වාගෙන යමින් සහාය ලබාදීමයි. එමෙන්ම ශ්රී ලංකාවේ නොමිලේ සහ රහසිගත අර්බුද සහාය ලබාදෙන 1333 දුරකථන සේවාව පිළිබඳ දැනුවත් කිරීම සහ එහි අඛණ්ඩ පැවැත්මට සහාය වීම ද මෙම වැඩසටහනේ අරමුණු අතරට ඇතුළත් වේ.
