දැවැන්ත ලෙස සංක්රමණිකයින් දේශසීමා හරහා පැමිණෙන අවස්ථාවලදී, ඔවුන් පිටුවහල් කිරීම සඳහා වේගවත් ක්රියාපටිපාටියක් හඳුන්වාදිය යුතු බව ජර්මානු අභ්යන්තර කටයුතු අමාත්ය ඇලෙක්සැන්ඩර් ඩොබ්රින්ට් පවසයි.
මියුනිච්හිදී යුරෝපා සංගමයේ අදාළ නිලධාරීන් සමඟ පැවති සාකච්ඡාවක් ආරම්භ කරමින් ඔහු සඳහන් කර ඇත්තේ සංක්රමණික අර්බුද සඳහා නව යුරෝපා ක්රමවේදයක් අවශ්ය බවයි. ජූලි මාසයේ ස්පාඤ්ඤයේ උතුරු අප්රිකානු භූමියක් වන Ceuta වෙත සිදුවූ විශාල සංක්රමණික පැමිණීමද ඔහු උදාහරණයක් ලෙස සඳහන් කර තිබේ.
Reuters වාර්තාවට අනුව, ජූලි අවසානයේදී මොරොක්කෝවේ සිට පුද්ගලයින් 72,000කට වැඩි පිරිසක් Ceuta වෙත ඇතුළුවී ඇති අතර, ඔවුන්ගෙන් බොහෝ දෙනෙකු පසුව එම ප්රදේශයෙන් පිටව ගොස් තිබේ. ස්පාඤ්ඤ බලධාරීන්ට අනුව තවදුරටත් සංක්රමණිකයින් 12,000ක් පමණ එහි රැඳී සිටින අතර, ඒ අතර බාලවයස්කරුවන්ද සිටින බව වාර්තා වේ.
ඩොබ්රින්ට් යෝජනා කර ඇත්තේ එවැනි අවස්ථාවක මානුෂීය හදිසි තත්ත්වයක් නොවන බව බලධාරීන් තීරණය කළහොත් වේගවත් ප්රතිරැපණ ක්රමයක් ක්රියාත්මක කළ යුතු බවයි. එමෙන්ම එවැනි තත්ත්වයන්ට මුහුණ දෙන රටවලට සහාය වීම සඳහා Frontex හරහා පැය 24ක් ඇතුළත වේගවත් ප්රතිචාර බලකායක් යෙදවීමටද ඔහු යෝජනා කර තිබේ.
