අවිධිමත් රාජ්‍යතාන්ත්‍රික ගමන් බලපත්‍රයක් ලබාගැනීම සම්බන්ධයෙන් වරදකරු කර වසර දෙකක සිරදඬුවමක් සහ රුපියල් ලක්ෂයක දඩයක් නියම වී සිටින ශෂී වීරවංශ මහත්මියට අදාළ නඩුකරය ඔක්තෝබර් 12 වැනිදා යළි කැඳවීමට කොළඹ මහෙස්ත්‍රාත් අධිකරණය නියෝග කර තිබේ.
ශෂී වීරවංශ මහත්මිය හිටපු අමාත්‍ය විමල් වීරවංශ මහතාගේ බිරිඳ වන අතර, 2022 වසරේදී කොළඹ මහෙස්ත්‍රාත් අධිකරණය විසින් ඇය අදාළ චෝදනාවට වරදකරු කර වසර දෙකක සිරදඬුවමක් සහ රුපියල් 100,000ක දඩයක් නියම කර තිබුණි. එම තීන්දුවට එරෙහිව ඉදිරිපත් කළ අභියාචනය කොළඹ මහාධිකරණය විසින් 2026 ජුනි 11 වැනිදා ප්‍රතික්ෂේප කරමින් මුල් තීන්දුව තහවුරු කර තිබේ.
පසුව එම මහාධිකරණ තීන්දුවට එරෙහිව ශ්‍රේෂ්ඨාධිකරණයට අභියාචනයක් ඉදිරිපත් කර ඇති අතර, එම අභියාචනය සම්බන්ධයෙන් ඇය මේ වනවිට ඇප මත සිටී. ශ්‍රේෂ්ඨාධිකරණයේ කාර්ය සටහන් ඇතුළු අදාළ ලේඛන ඉදිරිපත් කිරීමට අවශ්‍ය බැවින් නඩුව යළි කැඳවීම සඳහා ඔක්තෝබර් 12 දක්වා කල් ලබාදී තිබේ.
