ලෝකයේ සිදුවන පරිවර්තනයන්ට වඩාත් ඇතුළත් සහ ප්රතිචාරාත්මක සංවිධානයක් බවට පත් කිරීම සඳහා එක්සත් ජාතීන්ගේ සංවිධානය තුළ අර්ථවත් ප්රතිසංස්කරණ ඉදිරියට ගෙන යාමට ශ්රී ලංකාව සහාය දෙන බව අමාත්ය විජිත හේරත් මහතා පවසනවා. අමාත්යවරයා මේ බව ප්රකාශ කළේ, එක්සත් ජාතීන්ගේ මහා මණ්ඩලයේ 81 වැනි සැසිවාරය අමතමිනි. එහිදී එක්සත් ජාතීන්ගේ සංවිධානය ශ්රී ලංකාවට අත්යවශ්ය හවුල්කරුවෙකු ලෙසද ඔහු කියා සිටියා. සමකාලීන ගෝලීය යථාර්ථයන් පිළිබිඹු කිරීම සඳහා එක්සත් ජාතීන්ගේ පද්ධතිය ශක්තිමත් කිරීමේ වැදගත්කම සහ නැගී එන ජාත්යන්තර අභියෝගවලට මුහුණ දීම සඳහා එහි ආයතන ඵලදායීව පවතින බව සහතික කිරීමේ වැදගත්කම ඔහු වැඩිදුරටත් අවධාරණය කළා.
