රියදුරුට නින්ද යාමෙන් ත්‍රිකුණාමලය නොච්චිකුලම් ප්‍රදේශයේදී මෝටර් රථය මාර්ගයෙන් ඉවතට පැන 29 හැවිරිදි අයෙක් මරුට!

ත්‍රිකුණාමලය – හොරොව්පොතාන ප්‍රධාන මාර්ගයේ නොච්චිකුලම් ප්‍රදේශයේදී අද (29) අලුයම සිදුවූ රිය අනතුරකින් පුද්ගලයෙකු ජීවිතක්ෂයට පත්ව තවත් තිදෙනෙකු බරපතළ තුවාල ලබා තිබෙනවා.

පොලිසිය සඳහන් කළේ, අද අලුයම 3.30ට පමණ සිදුවූ මෙම අනතුරින් මියගොස් ඇත්තේ එකම පවුලේ සිව්දෙනෙකු ගමන් කළ මෝටර් රථයේ සිටි 29 හැවිරිදි පුද්ගලයෙකු බවයි.

කටුනායක ගුවන්තොටුපළ වෙත ගොස් යළි ඉරක්කකණ්ඩි බලා ගමන් කරමින් සිටියදී, රියදුරුට නින්ද යාම හේතුවෙන් මෝටර් රථය මාර්ගයෙන් ඉවතට පැනීමෙන් මෙම අනතුර සිදුව ඇති බවට මූලික විමර්ශනවලදී අනාවරණය වී තිබෙනවා.

අනතුරින් මියගොස් ඇත්තේ වාලයූත්තු ප්‍රදේශයේ පදිංචි එන්. නිසාම් නමැති 29 හැවිරිදි පුද්ගලයෙකු බවයි වාර්තා වන්නේ.

මියගිය පුද්ගලයාගේ බිරිඳ, පුත් උමර් හබීබ් සහ 19 හැවිරිදි සහෝදරයා තුවාල ලබා මහදිවුල්වැව ප්‍රාදේශීය රෝහලට ඇතුළත් කර තිබෙනවා.

පසුව ඔවුන් වැඩිදුර ප්‍රතිකාර සඳහා ත්‍රිකුණාමලය මහ රෝහල වෙත මාරු කර යවා ඇති අතර, අනතුර සම්බන්ධයෙන් මොරවැව පොලිසිය වැඩිදුර විමර්ශන සිදුකරන බව සඳහන්.

දෙස් – විදෙස් සියලු පුවත්, සිදුවූ සැණින් ඔබ වෙත ගෙන එන ශ්‍රී ලංකාවේ අංක එකේ ඩිජිටල් ප්‍රවෘත්ති නාලිකාව — TTVNews.lk

පුවත් මඟ නොහැර නිරන්තරයෙන් අප සමඟ රැඳී සිටින්න.

අපගේ සියලුම සමාජ මාධ්‍ය නාලිකා Follow කර, YouTube සහ WhatsApp Channel වෙත Subscribe වන්න.

Website: www.ttvnews.lk

WhatsApp Channel: https://whatsapp.com/channel/0029Vb81Fh6Dp2QFBjsZaO1g

Facebook: www.facebook.com/ttvnewssrilanka

Instagram: www.instagram.com/ttvnewslk/

TikTok: www.tiktok.com/@ttvnews.lk

YouTube:www.youtube.com/@TTVNEWS_SL

Follow – Subscribe – Stay Updated

TTVNews.lk— සිදුවූ සැණින්, ඔබ වෙත.