දුර්වල ආලෝක තත්ත්වයන් හේතුවෙන් ක්‍රීඩා කාලය අහිමි වීම අවම කිරීමේ අරමුණින් දිවා කාලයේ පැවැත්වෙන ටෙස්ට් තරඟ සඳහා අන්‍‍යෝන්‍ය එකඟතාව මත රෝස පැහැති බෝල භාවිතා කිරීමට අවසර ලබා දීම මෙම නව සංශෝධන අතර ප්‍රධාන වේ. මීට අමතරව, පිතිකරුවන් විසින් ලෙස කාලය නාස්ති කිරීම වැළැක්වීම සඳහා දැඩි දඬුවම් ක්‍රමවේදයක් හඳුන්වා දී ඇති අතර, නියමිත කාලයට මුහුණ දීමට අපොහොසත් වන පිතිකරුවන්ට අනතුරු ඇඟවීම් ලබාදී තුන්වන වරදේ සිට පන්දු රැකීමේ කණ්ඩායමට දඬුවම් ලකුණු පහක් ප්‍රදානය කිරීමට නියමිතය.
ක්‍රීඩාවේ වේගය සහ යුක්ති සහගත බව තහවුරු කිරීම සඳහා දවසේ අවසාන ඕවරයේදී කඩුල්ලක් බිඳ වැටීමෙන් තරඟය වහාම අවසන් නොවන ලෙසත්, නියමිත පන්දු සංඛ්‍යාව සම්පූර්ණ කරන ලෙසත් නීති සංශෝධනය කර තිබේ. එසේම, කාන්තා ක්‍රිකට් සඳහා වෙනම බෝල ප්‍රමාණ හඳුන්වා දීම සහ දුවද්දී දැවී යාම් හා පන්දුව පාලනය කිරීම සම්බන්ධයෙන් පැවති අපැහැදිලි තත්ත්වයන් මගහැරවීමට කටයුතු කර ඇත.
නවීන ක්‍රිකට් ක්‍රීඩාවේ අවශ්‍යතාවන්ට ගැළපෙන පරිදි ක්‍රීඩාවේ විනය හා තරගකාරීත්වය ආරක්ෂා කරමින් ක්‍රියාත්මක වන මෙම නව නීති මඟින් ඉදිරියේදී ජාත්‍යන්තර ක්‍රිකට් පිටියේ තීරණාත්මක වෙනස්කම් රැසක් සිදුවනු ඇතැයි අපේක්ෂා කෙරේ.
