2027 වසරේ සිට 6 ශ්‍රේණියේදී ව්‍යවසායකත්වය සහ මූල්‍ය සාක්ෂරතාව ඇතුළත් විෂයක් හඳුන්වාදීමට කටයුතු කරන බව අග්‍රාමාත්‍ය ආචාර්ය හරිනි අමරසූරිය මහත්මිය පවසයි.
නව අධ්‍යාපන ප්‍රතිසංස්කරණ යටතේ 6 ශ්‍රේණියේ සිට 9 ශ්‍රේණිය දක්වා ව්‍යවසායකත්වය සහ මූල්‍ය සාක්ෂරතාව පිළිබඳ දැනුම ලබාදීමට සැලසුම් කර ඇති අතර, එහි පළමු අදියර ලෙස 2027 වසරේදී 6 ශ්‍රේණියට මෙම විෂය හඳුන්වාදීමට නියමිතය.
මේ අතර, පාසල් දරුවන් සහ තරුණ පරපුර කුඩා අවධියේ සිටම ආයෝජනය සහ මූල්‍ය කළමනාකරණය පිළිබඳ ප්‍රායෝගික අවබෝධයක් ලබාගැනීම සඳහා Stock Market Game සහ පාසල් ප්‍රාග්ධන වෙළෙඳපොළ සංගම් ඇතුළු වැඩසටහන් ක්‍රියාත්මක කර ඇති බවද සඳහන් වේ. මූල්‍ය සාක්ෂරතාව ලබාදීමේදී වගකීමෙන් සහ සදාචාරාත්මකව මුදල් භාවිත කිරීම පිළිබඳ අවබෝධය ලබාදීමේ වැදගත්කමද අග්‍රාමාත්‍යවරිය අවධාරණය කර තිබේ.
