සුළු හා මධ්ය පරිමාණ ව්යාපාරිකයින්ට උපදේශනය හා මූල්ය පහසුකම් ලබා දීම වෙනුවෙන් රජය ආරම්භ කළ එන්ටර්ප්රයිස් ශ්රී ලංකා වැඩසටහනට අදාලව විශේෂ මධ්යස්ථානයක් ආණමඩුවේ ස්ථාපිත කෙරිණ. එම මධ්යස්ථානය පිහිටවූයේ ආණමඩුව මහජන බැංකු පරිශ්රයේයී.
මේ යටතේ ඒ ඒ ව්යාපාරයන්ට අදාල වන පරිදි රුපියල් මිලියන 200 ක් දක්වා ණය පහසුකම් ලබා දීමේ හැකියාව පවතින බවයි අමාත්ය පාලිත රංගේ බණ්ඩාර මහතා පැවසුවේ. එමෙන්ම ව්යාපාරවල දියුණුව වෙනුවෙන් විශේෂඥ උපදේශන සේවා ලබාදීම, අවම පොලී අනුපාතයක් යටතේ දිගු කාලීනව ණය ලබා දීම, ව්යාපෘති වාර්තා සකස් කිරීමට උපදෙස් ලබා දීම, නව ව්යාපාර අවස්ථාවන් ජනතාව අතරට ගෙන යාම ඇතුළු සේවාවන් රැසක් මේ යටතේ සිදු කිරීමට නියමිතය.
එම මධ්යස්ථානය විවෘත කිරීමේ අවස්ථාවට සමගාමීය සුළු පරිමාණ කර්මාන්ත ආරම්භ කිරීමට සූදානමින් සිටින පිරිසකට ණය හා හිමිකම් ප්රදානය කිරීමද මෙහි දී අමාත්ය පාලිත රංගේ බණ්ඩාර මහතා අතින් සිදු කෙරිණ.
