තොරතුරු සතිය හෙට සිට ක්‍රියාත්මකයි 

මෙහි දී අදහස් දැක්වු අතිරේක ලේකම් තිලකා ජයසුන්දර මහත්මිය;“ තොරතුරු දැනගැනීමේ අයිතිය මහජනයා වෙත ලබාදුන් හොඳ අවස්ථාවක්. ඒ ලබා දුන් හොඳ අවස්ථාව (තොරතුරු අයිතිය ) භාවිතා කරන ලෙස ඉල්ලා සිටිනවා.

ඒ වගේ ම මේ පිළිබඳව මාධ්‍ය හරහා මහජනතාවට රැගෙන යා යුතුයි. තොරතුරු අයිතිය භාවිතා කරමින් මේ රටේ යහපාලනය ශක්තිමත් කිරිමටත්,ප්‍රජාතන්ත්‍රවාදය හා සංවර්ධනයට මහජන සහභාගිත්වය ලබා ගැනීම වැදගත්.මුදල් හා ජනමාධ්‍ය අමාත්‍යාංශශයේ අපේක්ෂාව ද එය බව “ ඇය පැවසුවාය. 

2018 සැප්තැම්බර් මස 21 සිට 2018 සැප්තැම්බර් 28 දක්වා තොරුතුරු සතියක් ප්‍රකාශයට පත් කර ඇති බව ප්‍රකාශ කරමින් තවදුරටත් ප්‍රකාශ කළේ,සැප්තැමබර් මස 21 (හෙට) දිනයේ දි උදෑසන 11.00 ට කොළඔ
ජාතික රෝහල අසළ හා ප.ව 4.00 ට කොටුව දුම්රිය ස්ථානය අසළ වීදි නාට්‍ය ප්‍රදර්ශනයක් සිදු කරමින් ජනතාව දැනුම්වත් කරන බවය.

ඊට අමතරව එදින ම ප.ව 4.30 -ප.ව 7.00 ට  “RTI FILM DAY” තොරතුරු දැනගැනිමේ අයිතිය සම්බන්ධයෙන්නි ෂ්පාදිත කෙටි චිත්‍රපට උළෙලක් තරංගනී සිනමා ශාලාවේ පැවැත්විමට කටයුතු යොදා ඇති බව ද පැවසී ය.