පාර්ලිමේන්තුවේ හදිසි රැස්වීමක් කැඳවීම පිළිබඳ ඉල්ලා සිටීමේ බලය ඇත්තේ අගමැතිවරයාට බැවින් ඒ සම්බන්ධව ඉල්ලීම අගමැතිවරයා වෙත යොමු කිරීම වඩාත් යෝග්‍ය බව කථානායක කාර්යාලය පවසයි.
රටේ උද්ගතව ඇති අර්බුදකාරී තත්ත්වයක් පිළිබඳ ශීර්ෂයන් දෙකක් යටතේ කරුණු දක්වමින් ඒ පිළිබඳ කරුණු දැක්වීම සඳහා පාර්ලිමේන්තුවේ හදිසි රැස්වීමක් කැඳවන ලෙස ඉල්ලා පාර්ලිමේන්තු මන්ත්‍රී දිනේෂ් ගුණවර්ධන මහතා කථානායකවරයාට යොමු කර තිබේ. එම ලිපිය සම්බන්ධයෙන් කථානායක කාර්යාලය ප්‍රවෘත්ති නිවේදනයක් නිකුත් කරමින් සඳහන් කර ඇත්තේ පාර්ලිමේන්තුවේ හදිසි රැස්වීමක් කැඳවීම පිළිබඳ ඉල්ලා සිටීමේ බලය ඇත්තේ අගමැතිවරයාට බවයි.
කෙසේ වුවත් පාර්ලිමේන්තු මන්ත්‍රී දිනේෂ් ගුණවර්ධන මහතා යොමු කළ 2018-09-26 දිනැති ලිපිය අගමැතිවරයාගේ අවධානය පිණිස යොමු කරන බව ද එම නිවේදනයේ සඳහන් වේ.
