එක්සත් ජාතික පක්ෂයට සහය පළ කිරීම සඳහා එක්වූ ශ‍්‍රී ලංකා නිදහස් පක්ෂයේ මන්ත‍්‍රීවරුන් සිව් දෙනෙකුට අමාත්‍ය ධුර ලබාදෙන ලෙස ජනාධිපතිවරයා වෙත ලිපියක් යොමු කර තිබෙන බව දේශපාලන ආරංචි මාර්ග පවසයි.
එම ලිපියෙහි විජිත් විජයමුණි සොයිසා, පියසේන ගමගේ, ලක්ෂ්මන් සෙනෙවිරත්න සහ ඒ. එච්. එම්. ෆවුසි යන මන්ත‍්‍රීවරුන්ගේ නම් මෙලෙස ජනාධිපතිවරයා වෙත යෝජනා කර ඇති බව වාර්තා වේ.
මේ සම්බන්ධයෙන් TTVnews.lk වෙබ් අඩවිය විජිත් විජයමුණි සොයියා මහතාගෙන් විමසු විම ඔහු කියා සිටියේ ඒ පිළිබඳ තමා කිසිවක් දැනුවත් නැති බවයි. තමාට ඒ පිළිබඳ කිසිවක් එක්සත් ජාතික පක්ෂය විසින් පැවසු නැති බවයි.
මේ සම්බන්ධයෙන් ඒ. එච්. එම්. ෆවුසි මහතාගෙන් කළ විමසීමකදී ඔහු කියා සිටියේ එවැනි දෙයක් තමාට දැන ගන්නට ලැබුණු බවයි. එසේම මීට පෙර අවස්ථාවකදීද තමාගේ නම අමාත්‍ය ධුරයකට යෝජනා වී තිබුණ ද එය ජනාධීපතිවරයා විසින් කපා දැමු බව හෙතෙම කියා සිටියේය. තව ද මෙවර ද තමාහට අමාත්‍ය ධුරයක් ලබා දෙන ලෙස යෝජනාවක් එක්සත් ජාතික පක්ෂය විසින් කර ඇති බවත් එයට මෙතෙක් පිළිතුරක් නොමැති බව ඔහු අනාවරණ කළේය. කෙසේ නමුත් අමාත්‍ය ධූරයක් ලැබුණහොත් එය භාර ගන්නා බව ෆවුසි මන්ත්‍රීවරයා කියා සිටියේය.
