ගනේවල්පොල සිට දාච්චිහල්මිල්ලෑව දක්වා මාර්ගය සාදා නොදුන්නා යැයි පවසමින් අනුරාධපුර පළුගස්වැව ප්‍රදේශයේ දී ජනපති ගෝඨාභය රාජපක්ෂ මහතාට සංදේශයක් භාර දීමට පාදයක් අහිමි වූ රණවිරුවකු පා ගමනින් පැමිණ සිටියේය.
ජනාධිපතිවරයා හමුවීමට පැමිණි අතර එම සංදේශය (04) දින භාර දී ඔහු ගලෙන්බිඳුනුවැව , යකල්ල ප්‍රදේශයේ පිහිටි ඔහුගේ නිවසට පැමිණි අතර (06) දින රාත්‍රියේ නාදුනන කිසියම් පිරිසක් විසින් ඔහුට පහර දී ඔහුගේ කෘත්‍රිම පාදයද කඩා දමා ගොස් ඇති අතර ඔහුගේ ජංගම දුරකථනයද කඩා දමා එම පිරිස පලා ගොස් ඇත.
සිද්ධිය සම්බන්ධයෙන් ගලෙන්බිඳුනුවැව පොලිසිය විසින් වැඩිදුර පරීක්ෂණ පවත්වයි .
මෙම සිද්ධිය දැනගත් රාජ්‍ය අමාත්‍ය ශෙහාන් සේමසිංහ මහතා අනුරාධපුර රෝහලට ගොස් ඔහුගේ සැපදුක් විමසා බැලු අතර නව කෘත්‍රිම පාදයක් ලබාදීමට පොරොන්දු විය.
