කොවිඞ් 19 වසංගත තත්ත්වය හේතුවෙන් අසාධාරාණයට පත්වී සිටින බැංකු සහ මූල්‍ය ආයතනය මගින් ණය පහසුකම්, (ලීසිං) කල්බදු සහ මූල්‍ය පහසුකම් ලබාගෙන ඇති විශාල ජනතාවක් මුහුණ පා සිටින බව වාර්තා වේ.
කෙසේ වෙතත් මෙම තත්ත්වය මත බොහෝ බැංකු පද්ධති පවා කඩා වැටිමට මුහුණ පා ඇති බව වාර්තා වේ.
නමුත් මෙම තත්ත්වය මත බැංකු ණය හා මුල්‍ය බැංකු මගින් ලබා ගත් ලිසං පහසුකම් ගෙවීමට නොහැකි තත්ත්වයකට පත්ව සිටින මධ්‍ය පරිමාණ ව්‍යාපාරකයින්ට කිසිදු සහනයක් ලබා නොදීම නිසා ඔවුන්ට තම වත්කම් බැංකුවට සින්න වීමට සිදුව ඇති බව වාර්තා වේ.
මේ අතර අද ලීසිං සහ ණය වාරික ගෙවන්නන්ගේ එකාබද්ධ සංගමය පැවැත්වූ විරෝධතා ව්‍යාපාරයක් අද පවත්වා තිබේ.
එම ව්‍යාපාරය පැවසුවේ මුලු ලෝකයටම බලපාන පරිදි ඇතිවූ කොවිඞ් තත්වය 2020 වසරේ මුල් කාර්තුවේ සිට ලංකාවට දැඩි බලපෑමක් එල්ල කළ අතර එහිදි ලොකු කුඩා ව්‍යාපාරික හා ව්‍යවසායකයින්ගේ සිට සියලුම ජනතාවට මූල්‍ය කඩාවැටිමක් සහ වසර දෙකකට ආසන්න කාලයක් රට එකතැන නතර වීමක් සිදු වූ බව පැහැදිලිය.
එවන් අවස්ථාවක, වාහන අත්පත්කර ගැනීම(සීස් කිරීම), දඩ පොලියක් එකතු කිරීම, ප‍්‍රතිව්‍යුහගත කරමින් වාරික මුදල වැඩි කිරීම, ණය තොරතුරු කාර්යංශයට නම් ඇතුලත් කිරීම දඩ පොලියට අමතරව කොරෝනා කාලයට වෙනම පොලියක් ඇතුලත් කිරීම ආදියද දිගින් දිගටම සිදු වෙන බවද සඳහන් කර සිටියේය.
මෙකී සියල්ලටම විසදුම් සහ යෝජනා වශයෙන් එම සංවිධානය පවසා සිටියේ කොරෝනා කාල වකවානුවේදී ගෙවීම සිදු නොකල වාරික වෙනුවෙන් වෙනම ණය මුදලක් ලබාදීම වැළැක්වීම, දඩ පොලිය සහ ණය මුදලට අමතරව පොලියක් එකතු කිරීම වැළැක්වීම, සියලුම කොරෝනා කාල වකවානුවේ වාරික අගය වැඩි නොකර වාරික ගණන වැඩි කිරීම, තවද නව ණය මුදලක් ලබාදෙමින් සහ/හෝ ණය මුදල ප‍්‍රතිව්‍යහුයගත කරන අවස්තාවක් සිදු කරන්නේනම් දැනට රටෙහි පවතින පොලී අනුපාතය යටතේ නව ණය ලෙස ප‍්‍රතිව්‍යුහගත කිරීම, බලහත්කාරයෙන් වාහන අත්පත්කර ගැනීම වැළැක්වීම, වාහන අත්පත්කිරීමේ දී සහ/හෝ ගිවිසුම අවලංගු කළ අවස්ථාවකදී පනත ප‍්‍රකාරව කටයුතු කළ යුතු බවත් තෙවන පාර්ශවයන් යෙදීම සම්පුර්ණයෙන්ම වැළැක්වීම, වාහන අත්පත් කරගැනීමෙන් අනතුරුව නැවත ඉදිරි ගෙවීම් සදහා නඩු පැවරීම වැළැක්වීම, මොනයම් ආකාරයකින් හෝ කල්බදු ගිවිසුම ගිවිසුම්කරු විසින් අවලංගු කරන අවස්ථාවකදී ඉදිරියට ගෙවීමට ඇති සියලු වාරික ලබාගැනීම වැළැක්වීම ,එකම අනුපාතයක් යටතේ රජය සහ පෞද්ගලික සමාගම් විසින් ණය සහ කල්බදු පහසුකම් ලබාදීම, යම් අවස්තාවක වාහන අත්පත් කිරීමක් සිදු වූ පසු නැවත විකිණීමක් සිදු කරයිනම් එහිදී ස්වාධින තක්සේරුවක් ලබාගත යුතු බව, නැවත විකිණීමේ දිනය වේලාව අදි සියල්ල බදු ගැණුම්කරුට ලියාපදිංචි තැපෑලෙන් දැනුවත් කළ යුතු වීම සහ එකී විකීණීමේ/වෙන්දේසියේදී බදු ගැණුම්කරුටද ලන්සු තැබිය හැකි වීම, සියලුම පුද්ගලික මූල්‍ය ආයතනය නියාමනය කළ යුතු වීමත් රජය සෘජුවම මැදිහත් වීමක් සිදු කළ යුතු වීම, කල්බදු මූල්‍යකරණ පනත සංශෝධනය කිරීම,ණය ආපසු අයකරගැනීමේ පනත සංශෝධනය කිරීම, ක්ෂද්‍ර මූල්‍ය පනත දැඩිව කි‍්‍රයාත්මක කිරීම සහ මහ බැංකුව යටතේ ලියාපදිංචි නොවූ කිසිදු ආයතනයකට මූල්‍ය පහසුකම් දෙන මුවාවෙන් මුදල් සූරා කෑම වළක්වා ලීම, පරාටේ ක‍්‍රමය මගින් දේපළ වංචනික ලෙස අත්පත්කරගනිමින් විකීනීම වැළැක්වීම යනාදී යෝජනා ඉදිරිපත් කරන ලදී.
මීට අමතරව දැනට රක්ෂණ සමාගම් සමග මූල්‍ය සමාගම් එකතු වී සිදු කරනු ලබන අයුතු ලාබ ලැබීම සහ පහත අසාධාරණ කොන්දේසි මගින් රක්ෂනාවරණ ලබාදීම ප‍්‍රතික්ෂේප කිරීමට එරෙහිව පෙනී සිටීම, වාහන ලබාගන්නා පුද්ගලයාට කැමති ආයතනයක රක්ෂණය දැමීමට හැකිවීම, බේරුම්කරණ වගන්තිය අවලංගු කිරීම, රක්ෂණ ලබාදීම ප‍්‍රත්ක්ෂේප කිරීම කිරීමේ දී දෙපර්ශවයට කැමති අධිකරණමය කි‍්‍රයාදාමයකට යොමු විය හැකි පරිදි වගන්ති ඇතුළත් කිරීමට රජය මගින් මැදිහත් වී නෛතික අණපනත් සෑදීම යන්නයි.
