උකුවෙල ප්‍රාදේශීය ශාසනාරක්ෂක මණ්ඩලය හා උකුවෙල ප්‍රාදේශීය‍ෙ ලේකම් කාර්යාලයයේ මෙහෙයවීම හා සංවිධායකත්වයෙන් උකුවෙල කොට්ඨාසයේ දහම් පාසල්වල ප්‍රාථමික ශ්‍රේණිවල ඉගැන්වීම් සිදු කරන ගුරුභවතුන්ගේ ඉගැන්වීම් කුසලතා වර්ධනය කිරීමේ අරමුණින් සංවිධානය කළ දහම් පාසල් ගුරු පුහුණු වැඩසටහන ඇල්වල ශ්‍රී ධර්මවර්ධනාරාම විහාරස්ථානයේ දී පැවැත්විණි.
සමස්තලංකා ශාසනාරක්ෂක මණ්ඩල ප්‍රධාන ලේඛකාධිකාරී ,මාතලේ දිස්ත්‍රික් ශාසනාරක්ෂක මණ්ඩලයේ ලේඛකාධිකාරී උකුවෙල ප්‍රාදේශීය ශාසනාරක්ෂක මණ්ඩලයේ සභාපති බලකඩුව අනුරුධ අරණාධිපති මුගුණුවෙල අනුරුද්ධ මහ නා හිමියන්ගේ අනුශාසකත්වය හා පූර්ණ අනුග්‍රාහකත්වයත්, උකුවෙල ප්‍රාදේශීය ශාසනාරක්ෂක මණ්ඩලයේ ලේඛකාධිකාරී ගෞරවනීය කළුන්දෑවේ චන්දසිරි ස්වාමින්වහන්සේගේ අනුශාසකත්ව‍යත් , ප්‍රාදේශීය මහ ලේකම් එන් .කේ සේරසිංහ මහත්මියගේ පූර්ණ උපදේශකත්වයත් මත මෙම වැඩසටහන සංවිධානය විය.
පුහුණු ගරු ජී.ජී නන්දනී මහත්මිය අනුරාධපුර භික්ෂු විශ්ව විද්‍යාලයයේ බාහිර කථිකාචාර්ය සුමේධ උක්වත්ත මහතා විසින් මෙම වැඩසටහන සදහා සම්පත්දායකත්වය ලබා දෙන ලදී.
දහම් පාසල් ගුරු පුහුණු වැඩසටහනින් අනතුරුව කොට්ඨාසයේ දහම් පාසල් ගුරු භවතුන්ගේ සදහම් එකමුතුවක සුරැකුම අරමුණු කර ගනිමින් දහම් පාසල් ගුරු සංගමය පිහිටුවීමට අදාළව නිලධාරී මණ්ඩලය පත් කර ගැනීම හා සංගමයේ ඉදිරි කටයුතු පවත්වා ගැනීමට අදාළ කටයුතු රාශියක් මෙහි දී සාකච්ඡාවට බදුන් විය.
මෙම වැඩසටහන සදහා ප්‍රාදේශීය ලේකම් කාර්‍යාලයේ සංස්කෘතික නිලධාරීන්,තරුණ කටයුතු නිලධාරී සහ මත්ද්‍රව්‍ය නිවාරණ ඒකකයේ සංවර්ධන නිලධාරී යන මහත්ම මහත්මීහු ද එක්ව සිටියහ.
මාතලේ මහේෂ් කිර්තිරත්න
