ජාතික යොවුන් සේනාංකයේ නව සභාපති ලෙස නිලන්ත කුමාර ඒකනායක මහතා ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා අතින් නිල වශයෙන් ඊයේ (05 ) දින පත්වීම ලබා දුන්නේය.
ශ්‍රී ජයවර්ධනපුර විශ්ව විද්‍යාලයේ ආර්ථික විද්‍යාව පිළිබදව විශේෂ උපාධියක් හිමි ඒ මහතා ඉන්දීය විශ්ව විද්‍යාලයේ මහත්මා ගාන්ධි කෘෂි විද්‍යාපීඨයේ ආර්ථික විද්‍යාව පිළිබදව පශ්චාද් උපාධිධාරියෙකි.
නිලන්ත කුමාර මහතා උතුරු මැද පළාත් සභාවේ පූර්ව ළමාවිය සංවර්ධන අධිකාරියේ කළමණාකාර අධ්‍යක්ෂ වරයා ලෙස මේ දක්වා සේවය කළ අතර, උතුරුමැද පළාත් මාර්ගස්ථ මගී ප්‍රවාහන අධිකාරියේ සභාපතිවරයා ලෙසද, උතුරුමැද පළාත් කාර්මික සංවර්ධන අධිකාරියේ සාමාන්‍යාධිකාරිවරයෙකු ලෙසද, සංවර්ධන ඉදිකිරීම් හා යන්ත්‍රෝපකරණ නියෝජ්‍යායතනයේ කළමණාකාර අධ්‍යක්ෂකවරයෙකු ලෙසද, සර්වෝදය සමාජ වැඩසටහනේ සම්බන්ධීකාරකවරයෙකු ලෙසද, ශ්‍රී ලංකා පොලිස් දෙපාර්තමේන්තුවේ සමාජ සම්බන්ධීකාරක නිළධාරියෙකු ලෙස ද කීර්තිමත් සේවයක් ඉටු කළ අයෙකි.
මෙම අවස්ථාවට ක්‍රීඩා හා යෞවන කටයුතු අමාත්‍යාංශයේ ලේකම් හා අමාත්‍යාංශ උපදේශක සුදත් චන්ද්‍රසේකර යන මහත්වරුන් සහභාගී විය.
