දීඝවාපිය මහ සෑ රඳුන්ගේ සර්වඥ ධාතූන් වහන්සේලා සහ චුඩා මාණික්‍යය සැදැහැවත් ජනතාවට සියැසින් දැක වන්දනාමාන කිරීම සඳහා මේ වන විට ගිරිතලේ ජයන්තිපුර විහාරයේ තැන්පත් කොට තිබෙන අතර, හෙට (07) දින උදෑසන දක්වා එම විහාරස්ථානයේදී ප්‍රදර්ශනය සඳහා කටයුතු සුදානම් කොට ඇත.
ඉන් අනතුරුව එම සර්වඥ ධාතූන් වහන්සේලා හා දීඝවාපි මහා සෑ රඳුන්ගේ තැන්පත් කෙරෙන චුඩා මාණික්‍යය මැයි 07 වන දින උදෑසන සිට 09 වන දින දක්වා ගිරිතලේ ශ්‍රී මංගල බෝධිරාජාරාම විහාරයේදීත්, මැයි 09 වන දින සිට 11 වන දින දක්වා බකමුණ සෑගල ශ්‍රී ධර්මාරාම විහාරයේදීත්, මැයි 11 වන දින සිට 13 වන දින දක්වා බකමුණ බෝධිමළුව විහාරයේදීත් සැදැහැවත් ජනී ජනයාගේ වන්දනාමානය සඳහා ප්‍රදර්ශනය කෙරේ.
එම උතුම් පුජනිය වස්තුන් සියැසින් දැක වන්දනාකර කුසල් උපදවා ගැනීමටත්, දීඝවාපිය මහා සෑ රඳුන්ගේ ප්‍රතිසංස්කරණ කටයුතු සඳහා සම්මාදම් වීමටත් පින් කැමති ලක්වාසී ඔබ සැමට මින් අවස්ථාව සැලසෙනු ඇත.
