පාර්ලිමේන්තුවේ ස්වාධින වු මන්ත්‍රි කණ්ඩායමක් එක්ව ගොඩ නැගු නව සන්ධානයේ හම්බන්තොට රැස්වීම පිලිබඳ අද (14) සාකච්ඡාවක් කොළඹ පැවැත්විණ. මෙම රැස්වීම සදහා අනුර ප්‍රියදර්ශන යාපා, මහින්ද අමරවීර, ලසන්ත අලගියවන්න, දුමින්ද දිසානායක සුසිල් ප්‍රේමජයන්ත් යන අය ද සහභාගී වීය.
මෙම රැස්වීම සම්බන්ධයෙන් මාධ්‍ය වෙත මන්ත්‍රීවරුන් පවසා සිටියේ පාර්ලිමේන්තුවේ ස්වාධිනව අසුන් ගත් පිරිස එක් රැස් කිරීම සඳහා මෙම සාකච්ඡාව පැවැත්වු බවයි.
මේ පිලිබඳ අප එම සාකච්ඡාවට සහභාගී වු අයගෙන් කල විමසීමකදී පවසා සිටියේ එළැඹෙන ජුනි මස පලමු සතියේදී හම්බන්තොට නව සන්ධානයේ රැස්වීමක් පැවත්වෙන අතර එයට අද සහභාගී වු සියලුම මන්ත්‍රීවරුන් එක් රැස් කරන බවයි.
කෙසේ වෙතත් මෙම නව සන්ධානය වත්මන් ජනාධිපති රනිල් වික්‍රමසිංහ හට සහාය ලබා දීම වෙනුවෙන් ගොඩ නැගු බව වාර්තා වේ.
