බදුල්ල, දුන්හිඳ ප්‍රදේශයේදී ජෝන් කොතලාවල විශ්වවිද්‍යාලයේ සිසුන් පිරිසක් ගමන් ගත් බස් රථයක් පෙරළි සිදුවූ අනතුරකින් සිසුන් දෙදෙනෙකු මිය ගොස් තිබේ.
පොලිස් මාධ්‍ය කොට්ඨාසය මේ බව සඳහන් කළේ ය.
අප කළ විමසීමකදී බදුල්ල පොලිස් ස්ථානාධිපතිවරයා සඳහන් කළේ, මෙම අනතුර සිදු වන අවස්ථාවේ සිසුන් 41ක් පමණ බස් රථයේ සිට ඇති බව ය.
අනතුර සිදුවී ඇත්තේ, අද (නොවැ.1) උදෑසන 8:10ට පමණ බව ඔහු සඳහන් කළේ ය.
පොලිස් ස්ථානාධිපතිවරයා සඳහන් කළේ, තුවාල ලැබූ පිරිස බදුල්ල ශික්ෂණ රෝහලට ඇතුළත් කර ඇති බව ය.
මේ පිළිබඳව බදුල්ල පොලිසිය වැඩිදුර විමර්ශන සිදු කරයි.
