කර්මාන්ත සහ ව්‍යවසායකත්ව සංවර්ධන අමාත්‍යාංශය විසින් දිවයින පුරා ක්‍රියාත්මක කිරීමට සැලසුම් කර ඇති “ FOUR I ”වැඩසටහන මඟින් ගම්පහ දිස්ත්‍රික්කයේ සිදුකළ නියමු ව්‍යාපෘතිය පිළිබඳව සමාලෝචන වැඩසටහනක් ඊයේ (18 දා) කර්මාන්ත සහ ව්‍යවසායකත්ව සංවර්ධන අමාත්‍යාශයේ දී පැවැත්විය.
සුළු හා මධ්‍ය පරිමාණ ව්‍යවසායකයින් දහසක් බලගැන්වීමේ අරමුණ ඇතිව මෙය සිදුකරන ලද්දකි.
ගම්පහ දිස්ත්‍රික්කයේ තෝරාගත් කුඩා හා මධ්‍ය පරිමාණ ව්‍යවසායකින් 100 ක් සඳහා මෙම “ FOUR I ” නියමු ව්‍යාපෘතිය ක්‍රියාත්මක කළ අතර මෙම වසර අවසන් වන විට දිවයිනේ දිස්ත්‍රික්ක 15ක් ආවරණය කරමින් තවත් ව්‍යවසායකයින් දහසක් දෙනා සඳහා මෙම වැඩසටහන ක්‍රියාත්මක කිරීමට කර්මාන්ත අමාත්‍යාංශය සැලසුම් කර තිබෙයි.
ගම්පහ දිස්ත්‍රික්කයේ සිදුකළ කළ මෙම “ FOUR I ” වැඩසටහන මගින් ළුලදායිතාවය ඉහළ නංවා සංවර්ධනය කරන ලද ව්‍යවසායකයින් ජාත්‍යන්තර වෙළඳපලට වෙතට ගෙනයාම කර්මාන්ත අමාත්‍යාංශයේ අරමුණ බව මෙම අවස්ථාවට සහභාගි වූ කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හදුන්නෙත්ති මහතා පැවසීය.
