පසුගිය දින හතර තුළ දී මිනිස් ඝාතන 08ක් රට තුළ සිදුව ඇති බව අද (24) පාර්ලිමේන්තු විවාදයේ දී සජිත් ප්රේමදාස මහතා පවසා සිටියේය.
පසුගිය 18 සහ 21 යන දින හතර තුළ මිනිස් ඝාතන 08ක් සිදු වී තිබෙනවා. ඇත්ත වශයෙන්ම එය ජාතික ආරක්ෂාවට ගැටලුවක්. ජනාධිපතිතුමා කියලා තියෙනවා මේක ජාතික ආරක්ෂාවට ගැටලුවක් නැහැ කියලා. ඇත්ත වශයෙන්ම පාතාල කල්ලි අතර සිදු වෙන ඝාතන සංස්කෘතිය ක්රියාත්මක වීම සත්ය වශයෙන්ම ජාතික ආරක්ෂාවට විශාල ගැටලුවක්.
ම්ලේච්ඡ මිනි මැරුම අධිකරණ සභාව තුළ සිදුවන විට එදිනම දවල් එයට සම්බන්ධ වුණු කාන්තාවගේ කලර් පොටෝ සමග ආරක්ෂක අංශවලට ලැබිලා තිබුණා. ඒ බුද්ධි අංශ තොරතුරු රාජ්ය ආරක්ෂක අංශවලට ලැබිලා තිබුණා. මේක බරපතළ ප්රශ්නයක්. වර්ණ ඡායාරුපයක් සමග ජාතික ආරක්ෂාව ගැන තොරතුරු ලැබී තිබියදීත් මෙවැනි ආරක්ෂක බිද වැටීම පිළිබද පැහැදිලි විස්තරයක් රටටත් මේ සභාවටත් අවශ්යයි. ඒවගේම බුද්ධි අංශ තොරතුරු ලැබුණු විට දී මිට වඩා රටේ ආරක්ෂාව ගැන සැලකිලිමත් වීම අවශ්යයි කියලා මම කියන්න කැමතියි.
මෙයට පිලිතුරු දෙමින් හරිනි අමරසූරිය පවසා සිටියේ මෙම ජාතික ආරක්ෂාව ගැන උපරිමයෙන් සලකා බලන බවයි.
ජාතික ආරක්ෂාව පිළිබද ප්රශ්නයක් වෙනකම් වර්ධනය වෙන්න ඉඩ තියන්නේ නෑ. මේ සම්බන්ධයෙන් නිරන්තර අවධානයකින් සහ නිසි පියවර මේ වන විටත් අරගෙන තියෙනවා. ජනාධිපතිතුමා ඇතුළු අපේ අදාළ ඇමතිවරුන්ගේ මැදිහත් වීම රටේ ආරක්ෂාව සම්බන්ධයෙන් මැදිහත් වෙනවා.
- RS
