බෝතල්කළ පානීය ජලය සඳහා උපරිම සිල්ලර මිලක් නියම කරමින් අතිවිශේෂ ගැසට් පත්‍රයක් ප්‍රකාශයට පත්කර තිබේ.
ඒ අනුව පාරිභෝගික කටයුතු පිළිබඳ අධිකාරිය විසින් වෙළෙඳපොළේ විකිණීමට ඇති බෝතල් කළ පානීය ජලය සඳහා උපරිම සිල්ලර මිලක් නියම කර ඇත්තේ මෙලෙසය
මි.ලී. 500 – රු. 70 ක්
ලීටර 1 – රු. 100
ලීටර 1.5 – රු. 130
ලීටර 2 – රු. 160
ලීටර 5 – රු. 350
ලෙස උපරිම සිල්ලර මිලක් නියම කර තිබේ.
කෙසේ වෙතත් මෙම ගැසට් නිවේදනය පාරිභෝගික කටයුතු අධිකාරියේ සභාපතිවරයාගේ අත්සනින් නිකුත් කර ඇති අතර, 2025 අප්‍රේල් 01 වැනි දින සිට බලපැවැත්වෙන පරිදි ක්‍රියාත්මක වේ.
පාරිභෝගික කටයුතු පිළිබඳ අධිකාරිය විසින් නියම කර ඇති මෙම නව මිල ගණන් සමඟ, දේශීයව නිෂ්පාදනය කරන ලද සියලුම පානීය ජල බෝතල්වල මිල ගණන් පහළ යනු ඇතැයි අපේක්ෂා කරන අතර මෙම පියවර මඟින් පාරිභෝගිකයන්ට සාධාරණ මිලකට පානීය ජලය ලබා ගැනීමට අවස්ථාව උදා වනු ඇත.
