ශුද්ධෝත්තම ෆ්‍රැන්සිස් පාප් වහන්සේගේ ස්වර්ගස්ථ වීමෙන් අනතුරුව අභිනව පාප් වහන්සේ තෝරාපත් කරගනු ලැබුවා.
දෙදිනක් පුරා පැවති පාප්වරණයෙන් අනතුරුව අමෙරිකාවේ උපත ලෑබූ රොබට් ප්‍රෙවොස්ට් හිමිපාණන් අභිනව පාප් වහන්සේ ලෙස තේරී පත් වුණා
ඒ වතිකානයේ වේලාවෙන් (8) වෙනිදා පස්වරුවේදීයි.
චිකාගෝ හි උපත ලැබූ රොබට් ෆ්‍රැන්සිස් ප්‍රෙවොස්ට්, ඇමරිකානු සහ පේරු යන ද්විත්ව පුරවැසිභාවය හිමි අයෙකි.
ඔහු වයස අවුරුදු 69 ක් වන අතර දිගු කලක් පේරු රාජ්‍යයෙ හි රැඳී සිට තිබෙනවා.
ඒ අනුව උන් වහන්සේ මෙතැන් සිට 14වන ලියෝ පාප් වහන්සේ නමින් හදුන්වනු ලබනවා.
ලියෝ පාප් වහන්සේ ලොව 267වන පාප් වහන්සේය.
එමෙන්ම උන් වහන්සේ අමෙරිකාවෙන් තේරීපත් වූ පළමු පාප්වරයා ද ලෙසින් ඉතිහාසයට එක්වුණා.
ඒ අනුව බිලියන 1.4ක් වූ ලොව පුරා කතෝලික ප්‍රජාව වෙනුවෙන් 14වන ලියෝ පාප් වහන්සේ නායකත්වය දෙනු ඇත.
88 හැවිරිදි වියේ පසුවූ ෆ්‍රැන්සිස් පාප්වහන්සේ ඉකුත් අප්‍රේල් 21වනදා වතිකානයේ කාසා සැන්ටා මාර්තා හි පිහිටි උන්වහන්සේගේ නිවසේදී ස්වර්ගස්ථ විය.
ඒ පෙරදිනය දිනයේ වතිකානයේ ශාන්ත පීතර බැසිලිකාවේ පැවැති පාස්කු දේව මෙහෙයට උන්වහන්සේ එක්වීමෙන් අනතුරුවය.
