බූලි සහ බැරල්වලට ඉන්ධන නිකුත් කිරීම වහාම ක්‍රියාත්මක වන පරිදි අත්හිටවූ බව ලංකා ඛනිජ තෙල් නීතිගත සංස්ථාව අදහස් දක්වමින් පවසා තිබෙනවා.
පාරිභෝගිකයින් විසින් අසමන්විත ලෙස බූලි සහ බැරල් රැගෙන ඉන්ධන ලබා ගැනීම සඳහා පිරවුම්හල් වෙත ඒකරාශී වීම හේතුවෙන් අනවශ්‍ය තදබදයක් සහ දිගු පෝලිම් ඇතිවී තිබීම මෙම තිරණයට හේතු වී තිබෙනවා.
එම තීරණය සම්බන්ධයෙන් සියලුම ඉන්ධන පිරවුම්හල් හිමියන්ට දැනුම් දී ඇති අතර, එයට පටහැනිව කටයුතු කළහොත් බෙදාහැරීමේ බලය අහිමි විය හැකි දැඩි විනයානුකූල පියවර ගන්නා බවයි සංස්ථාව ප්‍රකාශ කර ඇත්තේ.
තවදුරටත්, සංස්ථාව පවසන්නේ, ප්‍රමාණවත් ඉන්ධන තොගයක් නොමැතිවීමක් හෝ හිඟයක් නොමැතිව සිටියද, පාරිභෝගිකයින් අතර අනිසි බියක් ඇතිවී මෙම තත්ත්වය ඇතිවී ඇති බවයි.
කෙසේ වෙතත් බූලි සහ බැරල්වලට ඉන්ධන නිකුත් කිරීම තාවකාලිකව නවතා දමා ඇති බවත් එය වහාම ක්‍රියාත්මක වන බවත් සංස්ථාව අවධාරණය කර තිබෙනවා.
