පාසල්වල ජල බිල්පත් ගෙවීමේදී එක් ශිෂ්‍යයකුට, අධ්‍යයන සහ අනධ්‍යයන කාර්යමණ්ඩල සාමාජිකයකුට මසකට ලීටර් 400 ක් වැය වෙතැයි ගණනය කොට තිබෙනවා.
මේ හේතුවෙන් රජය මුදල් ගෙවන බවත් ඉන් වැඩිවන සෑම බිල්පතක් සඳහාම පාසල මගින් මුදල් සොයා ගත යුතු බවත් සඳහන් කරමින් අධ්‍යාපන අමාත්‍යංශයේ ලේකම් නාලක කළුවැව චක්‍රලේඛයක් නිකුත් කර තිබෙනවා.
මින් ඉදිරියට පාසල්වලට ජල බිල්පත් ලැබීමේදී රජයේ ගාස්තුව සහ අමතර ගාස්තුව යනුවෙන් කොටස් දෙකකින් යුතුව බිල්පත නිකුත් කිරීමට නියමිත අතර අමතර ගාස්තු යටතේ ඇති මුදල පාසල් සංවර්ධන සමිතියේ අරමුදලින් ගෙවිය යුතු බවයි එම චක්‍ර ලේඛනයේ සදහන්ව ඇත්තේ.
