පසුගිය රජය සමයේ දී භාණ්ඩාගාරය විසින් අත්පත් කරගෙන ඇති ලංකා ඛනිජ තෙල් සංස්ථාවේ (CPC)මුළු ණය ගෙවීමෙන් පසු රජය ඉන්ධන සඳහා වන රුපියල් 50 ක බද්ද ඉවත් කරන බව විදුලිබල හා බලශක්ති අමාත්‍ය කුමාර ජයකොඩි මහතා පැවසුවා.
අමාත්‍යවරයා මේ බව පැවසුවේ (22) දින සමගි ජන බලවේගයේ පාර්ලිමේන්තු මන්ත්‍රී දයාසිරි ජයසේකර මහතා ඇසූ ප්‍රශ්නයකට පිළිතුරු දෙමිනි.
මහා භාණ්ඩාගාරය විසින් අත්පත් කරගත් රුපියල් බිලියන 884 ක මුළු ණය ප්‍රමාණයෙන් අඩක් මේ වන විට ගෙවා ඇති බවත් ණය ගෙවීම සඳහා ඉන්ධන ලීටරයකට රුපියල් 50 ක බද්දක් පැනවූ බවත්ය.
ඔහු වැඩිදුරටත් පවසා සිටියේ මේ වන විට ණයෙන් අඩක් ගෙවා අවසන් ඇති බවත් ණය මුදල සම්පූර්ණයෙන් ගෙවා දැමීමෙන් පසු ඉන්ධන සඳහා වන රුපියල් 50 බද්ද ඉවත් කිරීම ගැන සලකා බලන ලෙසයි.
