රජයේ වෛද්‍ය නිලධාරීන්ගේ සංගමය (GMOA) අද (22) දිනයේදී රට පුරා පිහිටා ඇති සියලු ශාඛා සමිති සම්බන්ධ කරගනිමින් හදිසි රැස්වීමක් පැවැත්වීමට පියවර ගෙන ඇත.
ලබන සඳුදා ආරම්භ කිරීමට නියමිත වෘත්තීය සමිති ක්‍රියාමාර්ගය පිළිබඳව විමර්ශනය කිරීම සහ ඉදිරි ක්‍රියාමාර්ග තීරණය කිරීම මෙම මෙම රැස්වීමේ අරමුණ වි තිබේ.
වෛද්‍ය සංගමය වෘත්තීය ක්‍රියාමාර්ගයකට යොමු වන්නේ, වෛද්‍ය නිලධාරීන්ගේ ස්ථාන මාරු සහ තවත් ගැටලු රැසක් හේතුකොට ගෙනය.
මේ පිළිබඳව සංගමේ මාධ්‍ය ප්‍රකාශක වෛද්‍ය චමිල් විජේසිංහ මහතා සදහන් කළේ, පවතින තත්ත්වය හමුවේ රට පුරා රෝහල් 134ක් වැසී යාමේ අවදානමක් ඇති බවයි.
මේ අතර, දේශීය හා විදේශීය නිවාඩු නව අනුමත කිරීම් තාවකාලිකව නවතා දැමීමට සෞඛ්‍ය අමාත්‍යාංශය ගත් තීරණයටද GMOA දැඩි විරෝධය පළ කර ඇත.
