මාධවී වත්සලා ඇන්තනී යන අයට රුපියල් මිලියන 100 ක එන්තරවාසියක් ලැබිම ගැන මේ වන විට සමාජ මාධ්‍ය හරහා දැවැන්ත ලෙස ප්‍රචාරය වෙමින් පවතිනවා.
මෙහි තොරතුරු අනුව, සන්ජය බණ්ඩාර නම් පුද්ගලයා තම නීතිඥවරුන් හරහා එම එන්තරවාසිය යවා තිබෙනවා.
ඊට හේතුව නම් මාධවී විසින් ඔහු ගැන තම ෆේස්බුක් පිටුවේ දැම්ම පලකිරීමක්.
ඇය, පවසා තිබෙන්නේ සන්ජය බණ්ඩාර යනු “අමාණුෂික දේශපාලන අන්තවාදියෙක් හා ළමා අපයෝජකයකු” බවත්, ඔහුගේ ගිණුම report කරන ලෙසයි.
සන්ජය බණ්ඩාර පවසන්නේ මෙය මේ අසත්‍ය සහ අපහාසාත්මක ප්‍රකාශය නිසා තමන්ටත් පවුලේ අයටත් දැඩි මානසික පීඩාවක් සහ හානියක් සිදුවී තිබෙන බවයි.
ඒ හේතුවෙන්ම ඔහු, දින 7 ක් ඇතුළත රු. මිලියන 100 ක් ගෙවන්නැයි මාධවීගෙන් ඉල්ලා තිබෙන අතර එසේ නොකලහොත් නඩු පවරන බව එන්තරවාසියේ සඳහන් වෙලා තිබෙනවා.
මේ ගැන මාධවී පාර්ශ්වයෙන් තවදුරටත් ප්‍රතිචාරයක් නොලැබුණු අතර, සමාජ මාධ්‍ය පරිශීලකයින් අතර දැඩි සංවාදයක් මේ පිළිබඳව ඇරඹී තිබෙනවා.
