බෙංගාල බොක්කේ “මොන්තා” සුළි කුණාටුවෙන් ඇතිවිය හැකි තද සුළං ගැන කාලගුණ විද්‍යා දෙපාර්තමේන්තුව අනතුරු ඇඟවීමක් නිකුත් කර තිබෙනවා.
එය අද (28) සිට ක්‍රියාත්මක වන තද සුළං තත්ත්වයන් පිළිබඳවයි.
ඒ අනුව,බස්නාහිර, සබරගමුව, මධ්‍යම, දකුණ, උතුරු, උතුරු-මැද සහ වයඹ පළාත්වලට මෙන්ම ත්‍රීකුණාමලය සහ මඩකලපුව දිස්ත්‍රික්කවලට මෙම අනතුරු ඇගවිම් නිකුත් කර තිබෙනවා.
දෙපාර්තමේන්තුව සඳහන් කරන්නේ, බෙංගාල බොක්ක මුහුදු ප්‍රදේශයේ පවතින “මොන්තා” සුළි කුණාටුව හේතුවෙන් ශ්‍රී ලංකාවට ඊසාන දිසෙන් බලපාන තද සුළං ඇති විය හැකි බවයි.
එම කාලගුණ තත්ත්වය හේතුවෙන් මෙම පළාත්වල විටින් විට පැ.කි.මී. 50 සිට 60 දක්වා වේගයෙන් තද සුළං ඇති වෙන අවදානමක් තිබෙන බව ද කාලගුණ දෙපාර්තමේන්තුව අවධාරණය කර සිටිනවා.
කෙසේ වෙතත්, අදාළ පළාත්වල ජනතාවට, විශේෂයෙන්ම විවෘත ප්‍රදේශවල සිටින අය සඳහා,
සුරක්ෂිත ක්‍රියාමාර්ග ගැනීමට උපදෙස් දී තිබෙනවා.
කාලගුණ විද්‍යා දෙපාර්තමේන්තුව වැඩිදුරටත් පවසන්නේ, තත්ත්වය අනුව සෙසු ප්‍රදේශවලට වැසි තත්ත්වයන්ද වැඩි විය හැකි බවයි.
