මේ ලෝකේ තියෙන හුඟක් දේවල් හරිම අමුතුයි.
ඒ විතරක් නෙමෙයි මේ ලෝකේ තියෙන හුඟක් දේවල් තාම හොයාගෙනත් නෑ.
මේ ළඟකදී හොයාගත්ත ලෝකේ තියෙන අමුතු දෙයක් ගැන තමයි අද අපි ඔයාලට කියන්නේ.
මේක හඳුන්වන්නේ මාංශ භක්ෂක “මරණ බෝල” කියලා.
ඇන්ටාක්ටිකාව අසල ගැඹුරු මුහුදේ ගවේෂණයකදී තමයි මේ මරණයේ බෝල හොයාගෙන තියෙන්නේ.
ඇත්තටම කිවුවොත් මෙයා අමුතු විදිහේ සත්වයෙක්.
මේ අසාමාන්ය සත්වයා දකුණු සාගරයේ මොන්ටාගු දූපතට උතුරින් පිහිටි සැතපුම් 2.2 ක් ගැඹුරු අගලකින් සොයා ගෙන තියෙනවා.
ඒ කියන්නේ මෙයාලා ඉන්නේ මුහුදු පතුලේ.
එය ස්පොන්ජ් එකක් වගේ කියලා තමයි කියන්නේ.
මාංශ භක්ෂක මරණයේ බෝල නිෂ්ක්රීය අංශු සහ මිය ගිය අනෙකුත් දේවල කුඩා කැබලි අනුභව කරන්නේ නැහැ.
මෙයාලා අනුභව කරන්නේ ජිවය පවතින දේවල්.
මරණයේ බෝල මාංශ භක්ෂකයි කියලා හඳුන්වන්නේ අන්න ඒ හින්දා.
බැලූ බැල්මට මෙයාලව පෙන්නේ හරියට බෝල ටිකක් එක ළඟ තියලා වගේ.
මේ මුහුදු ජීවින් තම ගොදුර අල්ලා ගැනීමට සහ අවශෝෂණය කර ගැනීමට කුඩා කොකු භාවිත කරනවා.
ඒ වගේම කක්ෂ වලින් අවසන් වන අමුතු උපාංගත් තියෙනවා.
අවාසනාවකට වගේ යමක් ඒවාට එරෙහිව ගැටුනහොත් එයාලව විනාශ වෙලා යනවා.
ඊට පස්සේ කාලයත් එක්ක මරණයේ බෝල ඒවා සෙමින් අවශෝෂණය කරගන්නවා.
ඇටසැකිලි ඉස්සන් වගේ කුඩා කබොල සතුන් මෙයාලා ගොදුරු කරගන්නවා කියලා තමයි වාර්තා වන්නේ.
මෙයාලව හොයාගෙන තියෙන්නේ මේ වසරේදීම වීම විශේෂත්වයක්.
මරණයේ බෝල චොන්ඩ්රොක්ලැඩියා කුලයට අයති වෙනවා.
මෙම විශේෂයේ ඉදිරිපස ආලෝකමත් බවයි පැවසෙන්නේ.
ඒ වගේම අවසානයේ “සුදු පිං පොං බෝල සහිත සුදු දඬු යට මාලාවක්” ඇති බවත් වාර්තා වෙනවා.
අසාමාන්ය හැඩයක් සහ අමුතු පෙනුමක් සහිත සතෙක් ලෙස තමයි මේ මරණයේ බෝල හැඳින්වෙන්නේ.
මේ නම යොදලා තියෙන්නේ පර්යේෂණ නෞකාවේ සිටි ස්පොන්ජ් විශේෂඥයෙක්.
එම සත්වයාගේ අමුතු අනතුර සැලකිල්ලට ගෙන එම නම සුදුසු බවට තීරණය කරලා තියෙනවා.
90 දශකයේ මැද භාගය වන තුරුම මාංශ භක්ෂක ස්පොන්ජ් පවතින බව කිසිවෙකු දැන සිට නැති බව තමයි වාර්තා වෙන්නේ.
1995 දී, ප්රංශයේ ලා සියොටැට් අසල ගුහාවක නොගැඹුරු ජලය ගවේෂණය කළ පර්යේෂකයන් කණ්ඩායමක්, අවතාර මලක් මෙන් පෙනෙන දෙයක් දැක තිබෙනවා. ඒවා පණපිටින් ගිල දමා ජීර්ණය වන ස්පොන්ජි ලෙස හඳුනා ගැනුනේ ඉන් පසුවයි.
ස්පොන්ජ් කලින් නිෂ්ක්රීය පෙරහන්-පෝෂක ලෙස සැලකෙනවා.
2025 මුල් භාගයේදී, A-84 නම් අයිස් කුට්ටියක් ජෝර්ජ් 6 අයිස් රාක්කයෙන් කැඩී ගොස් අයිස් යට සැඟවී මුහුදු පතුලට ආදී ගොස් තිබෙනවා.
බෙලිංෂවුසන් මුහුදේ මෙම නව විවරය පර්යේෂකයන්ට හිරු එළිය කිසිදා ළඟා නොවන ගැඹුරු ධ්රැවීය වාසස්ථානයක් පිළිබඳසක මතු කර තිබෙනවා.
ඒ අනුව නිපොන් පදනමේ නෙක්ටන් සාගර සංගණනයේ කණ්ඩායමක් මේ වසරේදී අදාළ සාගර කලාපයට ළඟා වීමට ෂ්මිට් සාගර ආයතනයේ ෆැල්කෝර් නෞකාව සමඟ එක්ව කටයුතු කළා.
ඔවුන් මුහුදු පතුල ගවේෂණය කිරීමට සහ අධ්යයනය සඳහා සතුන් නැවත ගෙන ඒමට රොබෝ සබ්මැරීනයක් යවා ඇති බවයි වාර්තා වන්නේ.
මාංශ භක්ෂක ක්ලැඩෝර්හිසයිඩ් ස්පොන්ජ් සාගර කිහිපයක දක්නට ලැබෙනවා.
ඔවුන් ජලයේ ආහාර හිඟ වන විශාල ගැඹුරකදී විශේෂයෙන් බහුලව දක්නට ලැබෙන බවට විදෙස් මාධ්ය වාර්තා කරන්නේ.
සාමාන්ය පෙරහන් පෝෂණය ප්රමාණවත් ශක්තියක් ලබා නොදෙන තැන මෙම පෝෂණ විලාසය ඔවුන්ට ජීවත් වීමට උපකාරී වන බව අධ්යයනවලින් පෙනී ගොස් තිබෙනවා.
වෙඩෙල් මුහුදේ දකුණු සාගරයේ අවම වශයෙන් මාංශ භක්ෂක ස්පොන්ජ් 27 ක් වාර්තා වනවා.
ඉන් අඩකට වඩා ආවේණික ජීවින් බවයි පැවසෙන්නේ.
නව ඩෙත් බෝල් ස්පොන්ජ් එම සැඟවුණු එකතුවට තවත් විශේෂඥයෙකු එක් කරනවා.
මේ ගවේෂණයේදී හඳුනා නොගත් ජීවින් 30ක් සොයා ගැනීමට පර්යේෂකයින් සමත් වී තිබෙනවා.
ඉතින් තවමත් මේ මාංශ භක්ෂක මරණ බෝල පර්යේෂණ මට්ටමේ ඇති ජීවියෙක්.
ඇතැම් විට ඉදිරියේදී මේ ජීවින් අපිව තවත් පුදුමයෙන් පුදුමයට පත් කරවී.
අපි නොහොතන බොහෝ දේවල් වලින් අපේ ලෝකය පිරිලා තියෙන්නේ.
මරණ බෝල මේ පුදුම සහගත දේවල් වලින් එකක් විතරයි.
ඉතින් ලෝකය පුරා තියෙන අතිශය පුදුම සහගත දේවල් ගැන ඔබට කියනන්ට අපි සුදානම්.
අපි මේ වගේම අමුතු කතාවක් එක්ක අයෙත් දවසක හමුවෙමු.
